Kulaje 18:27 - Dɔnɔn kə̂ Siki: Tar kə̂ aw arə təbbə

²⁷ Goe tə̂ a, Apolos le ndiki ta kaw Akay. Njê-mə-kunnje ndikije tə̂ saa ngaâ n̂-ddaje makəturu darə njê-mə-kunnje kə̂ Akay le karə n̂-tɛɛ̂je kə rɔde tə̂ kə majɛ̂. N̂-tee nu a, Lubba dda saa mə-maji arə numan njê-mə-kunnje nya,

Maketuru le Lubba ke tar kabba

²⁷ Goe te a, Apolose le ndiki ta kaw nange te ke Akay are nje-me-kunnje ndikije te saa ngaa ddaje maketuru are nje-me-kunnje ke Akay le kare n̂-taaeje ke maje. Toke n̂-tee nu a, Lubba dda saa me-maji are numa nje-me-kunnje nya.

Kulaje 18:27 ပူးပေါင်းရင်းမြစ်များ

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 11:26

Ningɛ̂ a, n̂-ddee saa Antiyos. N̂-ddaje bbal kâra Egilisi tə̂ kə̂ Antiyos ngaâ n̂-tɔjuje nɛ̂n dəwje nya nya. Bbe tə̂ kə̂ Antiyos â dəwje unn kutu bbar ri njê-njaje go Jeju tə̂ to «dəwje lə Kristə.»

Kulaje 15:34

A, Silas oo maji ta nayn Antiyos.]

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 18:18

Pɔl nayn ndɔ banya ngaji Kɔrɛntə bba inya njê-mə-kunnje ngaâ unn to təl nangə tə̂ kə̂ Siri. Ne de kə Pirisil kə Akilas. Kete bba ta kaw a, narə n̂-ngisa dɔɛ̂ bbe tə̂ kə̂ Sankere, mba nunn ndue.

Kulaje 19:1

Kar tə̂ kə̂ Apolos nayn Kɔrɛntə a, Pɔl nday kə ddəw kə̂ Aji kə̂ to ddingirije ngaâ tee Epɛjə. Ninga marə njê-njaje go Əbbə-dəwje tə̂ lo tə̂ənn,

Kulaje 9:27

Barnabas unn Sɔl le aw saa rɔ njê-kaw-kulaje tə̂ ngaâ pa tar koo kə̂ Sɔl oo Əbbə-dəwje ddəw-boô kə tar kə̂ Əbbə-dəwje pa saa le arəde. N̂-pa gusu kə̂ Sɔl pa nɛ̂n tar lə Jeju kə bbəəl ang arə dəwje mə bbe tə̂ kə̂ Damas le narəde.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 16:3

Ndɔ kə̂ m-tee nu a, mâ dda makəturu kula ji dəwje tə̂ kə̂ ə-mbərəjede le bba karə dawje nɛ̂n kə nɛ̂n-karə-baa le Jerujalɛm.

1 Kɔrɛntinyɛje 3:6

Əman Pɔl, m-dubbu nɛ̂n, Apolos ungu maann dɔɛ tə̂, a Lubba â dda arə nɛ̂n le tee.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

Pilipinyɛje 1:25

A m-gərə maji to mâ nayn kəm baa ta kisi mbɔrse tə̂ tɔyn mba kumanse karə kula le nja kə kete ddəm mba karə ingaje rɔ-nəəl ddəw mə-kunn tə̂ le ddəm.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

Kolosinyɛje 4:10

Aristarkə kə̂ to nje-kəy-kula marəm kə Markə kə̂ to ngonn-nann Barnabas n̂-ddajese lapiya. Ingaje ndu ɔju dɔ Markə le mban. Yeenn bba bbo n̂-tee horose tə̂ a, ə-tɛɛ̂je kə rɔse tə̂ kə majɛ̂.