Kulaje 18:26 - Dɔnɔn kə̂ Siki: Tar kə̂ aw arə təbbə

²⁶ Naw pa tar mə kəy mbɔn-naan tə̂ lə Jiipije kə bbəəl ang. Go tar tə̂ laa tɔyn kə̂ Pirisil kə Akilas dooje a, n̂-bbarɛ̂je kə rɔde tə̂ ngaâ n̂-təl n̂-tɔjɛ̂je tar kə̂ tɔkɔrɔ kə̂ dɔ ddəw lə Lubba tə̂ le kə majɛ̂ uta ye kə̂ kete.

Maketuru le Lubba ke tar kabba

²⁶ Naw n̂-pa tar ke bbeel ang me key-mbɔ-naa te le Jiipije. A toke Pirisil, ke Akilase ooje tar laa le tɔyn a, bbareje ke rɔde te ngaa tɔjeje tar ke tɔkɔrɔ wɔju dɔ ddew le Lubba.

Kulaje 18:26 ပူးပေါင်းရင်းမြစ်များ

Marke 10:15

Tɔkɔrɔ njaa m-pa marəse, dəw kə̂ taa Bbe-kɔn lə Lubba tokə lə ngonn ang, a kandə tə̂ ndɔ kâra ang.»

Luku 19:26

A mbay le ila tə̂ nan: ‹M-pa marəse, dəw kə̂ nɛ̂n laa to a, dâ karɛ̂ marɛ̂ dɔɛ̂ tə̂, a dəw nɛ̂n laa goto, nɛ̂n laa njaa kara dâ taa jia tə̂ kə ddang.

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 18:18

Pɔl nayn ndɔ banya ngaji Kɔrɛntə bba inya njê-mə-kunnje ngaâ unn to təl nangə tə̂ kə̂ Siri. Ne de kə Pirisil kə Akilas. Kete bba ta kaw a, narə n̂-ngisa dɔɛ̂ bbe tə̂ kə̂ Sankere, mba nunn ndue.

Kulaje 18:25

N̂-tɔjɛ̂ «ddəw lə Əbbə-dəwje» tokə kete arə kəjə laa sangə kə majɛ̂ ngaâ n̂-tɔju nɛ̂n dɔ Jeju tə̂ kə̂ dɔgɔlɛ̂. A batɛm lə Jan kâra baa a n̂-gərə.

Kulaje 19:8

Nɛyn mota njaa Pɔl aw aw kəy mbɔn-naan tə̂ lə Jiipije kə ndɔ tɔyn aw pa tar Bbe-kɔn lə Lubba kə bbəəl ang. N̂-dda gan njaa karə n̂-ndikije tə̂ saa.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 8:31

Dingaw le ila tə̂ nan: «Bbo marə dəw umanʼm ang a, mâ gərə tar le tokə baânn wa?» Yeenn bba, n̂-bbar Pilipi le karə aal sarɛtə le isi mbɔrɛ̂ tə̂.

1 Kɔrɛntinyɛje 12:21

Kəm asə ta pa karə ji nan: «M-ndiki karə umam ang» wa? Wase dɔ a pa karə gɔl nan: «M-ndiki karə umam ang» wa?

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 8:2

Dəw kə̂ əjə to n̂-gərə nɛ̂n, n̂-nayn n̂-gərə nɛ̂n tɔyn ang bbay.

Ebərəje 6:1

Mba yeenn bba, maji karə n-naynje kə dɔ dɔngɔr nɛ̂n-tɔjuje tə̂ kə̂ dɔ Kristə tə̂ le ang, a jawje kə nɛ̂n-tɔjuje tə̂ kə̂ toje to lə dəwje kə̂ tɔkə. Ja təlje dɔ nɛ̂n-tɔju tə̂ kə̂ dɔngɔr le ang ngaa. Nɛ̂n-tɔjuje kə̂ dɔngɔr le to ənga turu-mə ta kinya nɛ̂n-ddaje kə̂ aw awje kə dəw karə inga yo, tar kunn-mə karə Lubba,

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!