Kulaje 18:24 - Dɔnɔn kə̂ Siki: Tar kə̂ aw arə təbbə

²⁴ Marə Jiipi kə̂ ria nan Apolos kə̂ duje Alɛkəjandiri ddee Epɛjə le. N̂-to dəw kə̂ gərə pa tar ddəm gərə makəturu lə Lubba nya ddəm.

Maketuru le Lubba ke tar kabba

²⁴ Mare Jiipi ke ria na Apolose ke duje bbe te ke Alekejandiri ddee Epeje. N̂-to dew ke gere pa tar ddem gere maketuru le Lubba nya ddem.

Kulaje 18:24 ပူးပေါင်းရင်းမြစ်များ

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Luku 24:19

Jeju dujude nan: «Ddi wa?» Dilɛ̂je tə̂ nan: «Nɛ̂n kə̂ inga Jeju kə̂ Najarɛtə. N̂-to nje-kila mbər tar lə Lubba kə̂ ngəng nya ddəw kula tə̂ ddəm ddəw tar tə̂ ddəm nɔn gɔl Lubba tə̂ kə nɔn gɔl dəwje tə̂ tɔyn.

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 18:21

Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Kulaje 18:28

mba tar kə̂ tɛɛ̂ tə̂ ngəng arə Jiipije ooje tar ta kila tə̂ ang. N̂-tɔju ddəw makəturu tə̂ lə Lubba kə ddaka narəde to Jeju njaa to Mesi.

Kulaje 19:1

Kar tə̂ kə̂ Apolos nayn Kɔrɛntə a, Pɔl nday kə ddəw kə̂ Aji kə̂ to ddingirije ngaâ tee Epɛjə. Ninga marə njê-njaje go Əbbə-dəwje tə̂ lo tə̂ənn,

Kulaje 27:6

Lo tə̂ənn, mbay lə mbambaje le oo marə tɔkə to kə̂ Alɛkəjandiri kə̂ aw kə Itali ngaâ arəje jaal.

Kulaje 6:9

Marə Jiipije kə̂ inje Sirɛnn kə Alɛkəjandiri kə̂ aw mbɔnje naan kəy mbɔn-naan tə̂ lə Jiipije kə̂ daw bbarde nan «Njê kə̂ teeje kɔ bbərə tə̂» kə njê kə̂ inje nangə tə̂ kə̂ Silisi kə njê kə̂ Aji aw maynje tar kə Etiyɛnn.

Kulaje 7:22

N̂-tɔju Mɔyijə kəm-karɛ lə dəwje kə̂ Ejipitə arə tar-pa laa kə nɛ̂n-dda laa tɔju to n̂-to dəw kə̂ ngəng.

1 Kɔrɛntinyɛje 1:12

Nɛ̂n kə̂ mâ ta pa karəse â nəənn. Horose tə̂, marɛ̂ pa nan: «Əman m-to dəw lə Pɔl», marɛ̂ pa nan: «Əman m-to dəw lə Apolos», marɛ̂ pa nan: «Əman m-to dəw lə Piyɛr», marɛ̂ pa bbay nan: «Əman m-to dəw lə Kristə.»

1 Kɔrɛntinyɛje 16:12

Tar kə̂ ɔju dɔ ngokɔnje Apolos le, mɔsu kute nya karə naw kə marə njê-mə-kunnje naw noose. A n̂-ndiki ta kaw kə bbasinɛn nəənn ang. Ninga ddəw bba nâ kaw.

1 Kɔrɛntinyɛje 4:6

Ngakɔnʼmje, mba tar ləse â munn nɛ̂n nɛ̂n-kɔju-marɛ̂ dɔm tə̂ kə dɔ Apolos tə̂, ta karə ə-gərəje nɛ̂n gəl kɔn-tar nəənn: «Nɛ̂n kə̂ n̂-dda makəturu tə̂ njaa maji ta nayn dɔɛ tə̂». Baann bba karə dəw kâra horose tə̂ unda gue ngaâ unn go marə dəw mbətə nɛ̂n marɛ̂ ang.

2 Kɔrɛntinyɛje 10:10

Mba marə dəwje paje nan: Makəturuje lə Pɔl ngəng nya ddəm mɔngu nya ddəm. Â bbo ne njaa kə da-rɔɛ̂ nisi horoje tə̂ a, singɛ̂ goto ddəm turu tar kə̂ naw pa goto ddəm.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

Titə 3:13

Maji karə unda məi ta kuman Jenas kə̂ to nje-gərə-Ndu nya, umande, ne kə Apolos nja tə̂ ləde arə marə nɛ̂n dude ang.