Kulaje 18:21 - Dɔnɔn kə̂ Siki: Tar kə̂ aw arə təbbə

²¹ Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Maketuru le Lubba ke tar kabba

²¹ Na ta kinyade a, n̂-ndejede na: «Toke Lubba ndiki a, ma tel rɔse te mare ndɔ.» Goe te a, nunn to Epeje,

Kulaje 18:21 ပူးပေါင်းရင်းမြစ်များ

Matiye 26:39

Goe tə̂ a, n̂-ngəsə kə kete tɛn be ngaâ n̂-tee noso kə ta məɛ̂, n̂-dəbbə kəmɛ̂ nangə̂ ngaâ n̂-duju Lubba n̂-pa nan: «Bɔy, bbo ddəw to a, uta əngo kəm-to-ndoo nəənn kə ddang. A ə-dda tokə məi ndiki bbo tokə məm ndiki ang.»

Marke 6:46

Goe tə̂ a, naw dɔ marə ddingiri tə̂ ta duju Lubba.

Luku 9:61

Marə dəw pa arə Jeju bbay nan: «Mâ ta nja goi tə̂ Əbbə-dəwje, a inya arə maw muwa ji njê kə̂ ləm bba.»

Kulaje 15:29

Maji karə usaje da kə̂ n̂-polo nɛ̂n kɔr ang, usaje məsə ang, ɔnje da kə̂ dute kəwn n̂-tɔlɛ̂ ang, ə-ddaje kaya ang. Bbo ə-ngəmje rɔse ddəw nɛ̂nje tə̂ənn tɔyn a, to nɛ̂n kə̂ maji. N-ddase lapiya nya.»

Kulaje 18:19

Daw teeje Epɛjə. Pɔl inya Pirisil de kə Akilas lo tə̂ənn ngaâ ɔtu aw kəy mbɔn-naan tə̂ lə Jiipije aw pa tar kə de.

Kulaje 18:20

N̂-dujuje Pɔl nya karə nayn kə de ndɔ banya bbay. A Pɔl mbətə.

Kulaje 18:24

Marə Jiipi kə̂ ria nan Apolos kə̂ duje Alɛkəjandiri ddee Epɛjə le. N̂-to dəw kə̂ gərə pa tar ddəm gərə makəturu lə Lubba nya ddəm.

Kulaje 19:1

Kar tə̂ kə̂ Apolos nayn Kɔrɛntə a, Pɔl nday kə ddəw kə̂ Aji kə̂ to ddingirije ngaâ tee Epɛjə. Ninga marə njê-njaje go Əbbə-dəwje tə̂ lo tə̂ənn,

Kulaje 19:17

Njê-bbeje tɔyn kə̂ Epɛjə kə Jiipije kə Gɛrɛkəje, dooje tar nəənn le. Bbəəl uta dɔde tɔyn arə dɔsuje gaji ri Əbbə-dəwje Jeju kə̂ to ri kə̂ bo.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 20:16

Pɔl ndiki ta kar lo kâra Epɛjə ang, mba n̂-ndiki karə gɔl kar laa nday baa nangə tə̂ kə̂ Aji ang. N̂-ndiki ta kaw kə ngɔru ta bbo ddəw to a, tee Jerujalɛm ndɔ kusu Pantekotə tə̂.

Kulaje 21:14

Juman saa pin n̂-ndiki ang ngaâ jəw rɔje. N-pa nan: «Maji karə Əbbə-dəwje dda nɛ̂n kə̂ məɛ̂ ndiki.»

Kulaje 21:29

Kete, dooje Toropim kə̂ to dəw kə̂ Epɛjə mbɔr Pɔl tə̂ le Jerujalɛm nəənn arə dəjəje to naw saa kəy-polo Lubba tə̂.

Rɔmɛnje 1:10

Maw duju karə ndərəng a, ddəw mə-ndiki tə̂ laa, nɔru ddəw narə maw rɔse tə̂ ngaa.

Rɔmɛnje 15:32

Yeenn bba bbo Lubba ndiki a, mâ tee rɔse tə̂ kə rɔ-nəəl ngaâ mâ kuwa rɔm rɔse tə̂ ngaji.

1 Kɔrɛntinyɛje 15:32

Bbo maw məjə tar tokə lə dəwje a, mâ dda ddɔ kə dəwje kə̂ Epɛjə kə̂ toje tokə lə daje kə̂ muû mba ddi wa? Bbo ndol lə dəwje kə̂ oyje goto a, maji karə n-ddaje tokə marə dəwje kə̂ aw paje nan: «Jusaje ta jayje mba ndɔ kə̂ bara a, ja koyje.»

1 Kɔrɛntinyɛje 16:7

M-ndiki ta koose a nday to nday ang. Bbo Əbbə-dəwje ndiki a, munda məm ta nayn kə se ngaji.

1 Kɔrɛntinyɛje 16:8

A mâ nayn Epɛjə ndərəng ndɔ Pantekotə tə̂.

1 Kɔrɛntinyɛje 4:19

Əbbə-dəwje ndiki a, mâ kaw rɔse tə̂ mbɔr ang. M-tee a, mâ koo tarje ləde kə̂ daw paje ddəm mâ koo nɛ̂n kə̂ dasəje ta dda ddəm.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Ebərəje 6:3

Jinya nɛ̂njeenn a jawje kə kete. Bbo Lubba ndiki a, ja ddaje tokə baann.

Jakə 4:15

Maji karə ə-paje tar tokə be: «Bbo Əbbə-dəwje ndiki a, ja naynje kəm baa ngaâ ja ddaje nɛ̂n kə̂ tokə be, nɛ̂n kə̂ tokə be.»

1 Piyɛr 3:17

Bbo Lubba njaa ndiki tə̂ karə dəw oo ndoo mba maji kə̂ dəw le aw dda a, yeenn maji uta ndoo kə̂ ta koo mba nɛ̂n-dda kə̂ maji ang.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 2:1

«Ə-dda makəturu ula nɛ̂n arə anjə kə̂ Egilisi tə̂ kə̂ Epɛjə ə-pa nan: «Tar kə̂ dəw kə̂ uwa əndɛtɛrɛndɛnje siri jia tə̂ kə̂ kɔl ngaâ aw nja horo nɛ̂n-kunda lambeje tə̂ siri kə̂ n̂-dda kə andə-narɛ pa â nəənn: