Kulaje 17:32 - Dɔnɔn kə̂ Siki: Tar kə̂ aw arə təbbə

³² Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

Maketuru le Lubba ke tar kabba

³² Toke dooje tar kin le nje-yoje ke Pɔl pa a, mareje kokoje ne. A mareje paje na: «Mare ndɔ bba ja koo tar lei dɔ tar te neenn bbay.»

Kulaje 17:32 ပူးပေါင်းရင်းမြစ်များ

Luku 14:18

A dəwje le tɔyn unnje kutu pa nɛ̂nje kə̂ ɔkude ddəw karə n̂-ddeeje arɛ̂je go naan tə̂. Dəw kə̂ dɔngɔr pa nan: ‹M-ndoko ndɔɔ arə mâ kaw koo bba. M-wali nya, ɔru tar dɔm tə̂.›

Luku 22:63

Dəwje kə̂ aw ngəmje Jeju le aw kokeje ngaâ aw tundɛ̂je.

Luku 23:11

Erodə kə mbambaje laa ooeje maji ang kəmde tə̂. N̂-kokeje ngaâ dulɛ̂je kubbu kə̂ ndɔnrɛn. Goe tə̂ a, dulɛ̂je darə Pilatə guku.

Luku 23:36

Mbambaje kara kokeje. Dawje ngɔsi saa, darɛ̂je maann-binyə kə̂ masə.

Kulaje 13:41

‹Ooje! See njê-yabbəje dəwje, arəje bbəəl ddase ta ə-gotoje kə ddang, mba mâ dda marə nɛ̂n ndɔ tə̂ kə̂ isije nɛ̂n kəm baa, bbo dəw ɔru gəl nɛ̂n le arəse a, â ndikije tə̂ ang.› »

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Kulaje 17:33

Go tar tə̂ənn le a, Pɔl inyade.

Kulaje 2:13

A marɛ̂je aw kokoje njê-mə-kunnje le nan: «Dəwje nəənn ayje koto arə ddade.»

Kulaje 24:25

Kar tə̂ kə̂ Pɔl aw pa tar kula-dda kə̂ to gatə gatə, tar tɔ-bbo kə̂ da-rɔ tə̂ kə tar sariya kə̂ aw ddee a, Peliksə le bbəəl ngaâ pa nan: «Asə baann, ɔtu ngaa. Marə ndɔ bba mâ bbari.»

Kulaje 25:19

Bbayɛ̂ njaa to tar kə̂ n̂-maynje naan dɔ ddəw kə̂ ta polo nɛ̂n Lubba le njaa kə dɔ marə dingaw tə̂ kə̂ ria nan Jeju kə̂ oy mban, a Pɔl aw pa nan nisi kəm baa.

Kulaje 26:8

See Jiipije, ooje to Lubba asə ta ndol dəwje kə̂ oy ang mba ddi wa?

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 15:12

Bbo jaw jila mbər n-pa nan Kristə kə̂ oy le ndol a, tokə baânn bba marə dəwje horose tə̂ aw paje nan dəwje kə̂ oyje a ndolje ang wa?

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

2 Kɔrɛntinyɛje 6:2

Mba Lubba pa nan: «Kar kə̂ maji asə a, m-dda nɛ̂n kə̂ ə-duju le. Ndɔ kaji dəwje asə a, m-ddee mumain.» Oo, kar kə̂ maji â nəənn. Oo, ndɔ kaji dəwje â nəənn.

Ebərəje 11:36

Marɛ̂je dɔjude n̂-koko nɛ̂n, n̂-tundade kə ndəy. N̂-tɔ marɛ̂je kə kula njamji ngaâ dungude kəy-kula tə̂.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.