Kulaje 17:31 - Dɔnɔn kə̂ Siki: Tar kə̂ aw arə təbbə

³¹ Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Maketuru le Lubba ke tar kabba

³¹ Mba nɔju ndɔ ke na kare n̂-mbere gange sariya ke gate gate dɔ dewje te tɔyn. Nare dew le in horo nje-yoje te ta tɔju kare dewje tɔyn to ne njaa n̂-mbere.››

Kulaje 17:31 ပူးပေါင်းရင်းမြစ်များ

Matiye 10:15

M-pa tar kə̂ tɔkɔrɔ marəse. Ndɔ gangə sariya a, sariya kə̂ dɔ dəwje tə̂ kə̂ dɔ nangə tə̂ənn a ngəng kuta sariya kə̂ dɔ bbeje tə̂ kə̂ Sɔdɔm kə Gɔmɔr.»

Matiye 24:14

Dâ kila mbər Tar kə̂ Maji kə̂ dɔ Bbe-kɔn tə̂ kə̂ darâ duninya tə̂ tɔyn karə gəl-dəwje tɔyn ooje. Goe tə̂ ngaa bba, a to dɔbɔyn nɛ̂n.»

Luku 22:22

Ngonn lə dəw a koy, mba to nɛ̂n kə̂ Lubba â ɔju. A, a to ndoo nya karə dəw kə̂ a kunn dɔ Ngonn lə dəw le.»

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Tar kə̂ Maji kə̂ Jan dda makəturu tə̂ 16:10

Nâ tɔjude karə n̂-gərəje nɛ̂n kə̂ gatə gatə, mba maw maw kə rɔ Bɔ tə̂ ngaâ â koomje ang ngaa.

Tar kə̂ Maji kə̂ Jan dda makəturu tə̂ 5:27

Ngaâ narə Ngonnɛ̂ singa kə̂ ta gangə nɛ̂n sariya, mba n̂-to Ngonn lə dəw.

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 17:32

Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

Kulaje 17:6

Dingaje Pɔl de kə Silas le ang ngaâ duwaje Jasɔn kə marə njê-mə-kunnje dawje kə de nɔn njê-kɔn-bbeje tə̂ ngaâ n̂-paje kə taar nan: «Dəwje nəənn tujuje lo tɔyn kə̂ dɔ nangə tə̂, a bbasinɛn n̂-teeje nəənn ngaa.

Kulaje 2:32

Jeju kə̂ maw pa tar laa nəənn le, noy, a Lubba ndole ngaâ jeje tɔyn n-toje to njê-tar-naji nɛ̂ɛnn le.

Kulaje 4:10

Sese tɔyn kə dəwje kə̂ Ijarayɛl, maji karə ə-gərəje to kə ri Jeju-Kristə kə̂ Najarɛtə kə̂ ə-tɔlɛ̂je kakə-dəsə tə̂ bba Lubba ndole le â dəw nəənn ar nɛ̂n nɔnse tə̂ kə rɔ kə̂ maji nəənn.

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

Ebərəje 6:2

tar batɛmje, tar kila ji dɔ dəwje tə̂, tar ndol lə dəwje kə̂ oyje kə tar sariya kə̂ to kə ndɔ kə ndɔ le.

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.