Kulaje 16:34 - Dɔnɔn kə̂ Siki: Tar kə̂ aw arə təbbə

³⁴ Naw kə Pɔl de kə Silas kəy laa naw narəde nɛ̂n-kusa ngaâ n̂-dda rɔ-nəəl kə njê-nujuje laa mba koo kə̂ noo məɛ̂ tə̂ kə Lubba le.

Maketuru le Lubba ke tar kabba

³⁴ Goe te a, naw ke Pɔl de ke Silase key laa. Narede ne-kusa ngaa n̂-dda rɔ-neel ke nje-nujuje laa mba noo mee te ke Lubba.

Kulaje 16:34 ပူးပေါင်းရင်းမြစ်များ

Luku 15:32

To maji ta dda kusu ta dda rɔ-nəəl, mba ngokɔin nəənn oy bba ndol. N̂-nayn kɔrɔ̂ bba jingɛ̂.› »

Luku 19:6

Jase ddisi kə tɔkɛ̂ ngaâ taa Jeju kə kə̂y laa kə rɔ-nəəl.

Luku 5:29

Lebi dda nɛ̂n-kusa tokə bo arə Jeju mə kəy tə̂ laa ngaâ njê-taaje narɛ lambo tokə banya kə marə dəwje nya isije kə de ta nɛ̂n-kusa tə̂ le.

Kulaje 11:14

Simɔn le a pa tarje kari. Əi kə njê kə̂ kəy ləi â kingaje kaji ddəw tarje tə̂ənn le.›

Kulaje 16:15

Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Kulaje 16:35

Lo arɛ a, tɔkə njê-gangəje sariya ulaje pajaje ləde rɔ nje-ngəm ta kəy-kula tə̂ le nan: «Inya dəwje nəənn arə ɔtuje!»

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 8:39

Dinje mə maann tə̂ le n̂-teeje a, Ndil lə Əbbə-dəwje unn Pilipi ɔtu nɛ̂n arə enuku le ooe ang. A naw lo laa kə rɔ-nəəl.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 5:11

Uta yeenn bbay, jaw ddaje rɔ-nəəl nɔn Lubba tə̂ ləje ddəw tə̂ lə Əbbəjeje Jeju-Kristə, mba ne â n̂-dda narə junguje naan tə̂ kə Lubba bbasinɛn.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Pilipinyɛje 4:17

Maw sangə ddəw ta kinga nɛ̂n jise tə̂ ang. Nɛ̂n kə̂ maw sangə to karə Lubba ila nɛ̂n dɔ marə tə̂ arəse.

Pilipinyɛje 4:4

Maji karə ə-ddaje rɔ-nəəl kə ndɔ tɔyn, mba ə-toje to dəwje lə Əbbə-dəwje. M-təl m-pa bbay, ə-ddaje rɔ-nəəl.

Pilemɔn 1:7

Ngokɔnʼm, rɔm nəələm ngaâ minga singa mba ndiki kə̂ aw ndiki njê-mə-kunnje ngaâ ə-dda arə məde oso pɔn le.

1 Jan 3:18

Ngannje, maji karə n-ndikije naan kə tar kə̂ taje tə̂ baa ang. Maji karə n-ndikije naan ddəw dda marə nɛ̂n tə̂ kə ddəw ndiki tə̂ kə̂ tɔkɔrɔ.