Kulaje 16:19 - Dɔnɔn kə̂ Siki: Tar kə̂ aw arə təbbə

¹⁹ Əbbeejedede ooje to nɛ̂n kə̂ daw dundaje məde dɔɛ tə̂ le goto ngaa a, duwaje Pɔl kə Silas dawje kə de natâ nɔn njê-kɔn-bbeje tə̂.

Maketuru le Lubba ke tar kabba

¹⁹ Toke ebbejedede ooje to ne-kinga nare lede le goto ngaa a, duwaje Pɔl de ke Silase dawje ke de nata nɔ nje-kɔn̂-bbeje te.

Kulaje 16:19 ပူးပေါင်းရင်းမြစ်များ

Matiye 24:9

«Yeenn ngaâ dâ kuwase karə dəwje ulaje kəmse ndoo tə̂ ngaâ dâ tɔlse. Gəl-dəwje tɔyn a mbətəse mbam.

Marke 13:9

«A sese, undaje kəmse dɔ rɔse tə̂. Dəwje a kawje kə se nɔn sariya tə̂. Dəwje a tundase mə kəy mbɔn-naan tə̂ lə Jiipije, dâ kawje kə se nɔn ngann mbayje tə̂ kə nɔn tɔkə mbayje tə̂ mbam ngaâ â toje to njê-tar-najije ləm.

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 14:5

Jiipije kə mbayje ləde ddəm dəwje kə̂ toje to Jiipije ang ddəm n̂-ndikije ta dda Pɔl de kə Barnabas maji ang, ta tilade kə ər tɔlde.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 15:26

N̂-toje to dəwje kə̂ ilaje rɔde kɔrɔ̂ mba kula lə Əbbə-dəwje Jeju-Kristə.

Kulaje 15:40

A Pɔl unn Silas ilɛ̂ goe tə̂. Goe tə̂ a, njê-mə-kunnje ilaje Pɔl ji Əbbə-dəwje tə̂ karə dda saa mə-maji ngaâ nɔtu.

Kulaje 16:16

Marə ndɔ jaw kə lo duju Lubba tə̂ a, marə ngonn mandə kə̂ to nje-kula lə marə dəw tee ingaje. Ndil nɛ̂n-ndɔn kə̂ maji ang isi mə ngonn mandə tə̂ le. Nɛ̂n-ndɔn laa le dda arə əbbeejedede ingaje nɛ̂n nya.

Kulaje 16:20

Dawje kə de nɔn njê-gangəje sariya tə̂ kə̂ toje to dəwje kə̂ Rɔm ngaâ n̂-paje nan: «Dəwje nəənn ilaje tar mə bbe tə̂ ləje. N̂-toje to Jiipije.

Kulaje 16:25

Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.

Kulaje 16:29

Nje-ngəm ta kəy-kula le duju puru ta koo nɛ̂n lo ngaâ andə kəy-kula tə̂ le kə ngɔru. Noso kɔ gɔl Pɔl de kə Silas tə̂ naw nisa.

Kulaje 17:6

Dingaje Pɔl de kə Silas le ang ngaâ duwaje Jasɔn kə marə njê-mə-kunnje dawje kə de nɔn njê-kɔn-bbeje tə̂ ngaâ n̂-paje kə taar nan: «Dəwje nəənn tujuje lo tɔyn kə̂ dɔ nangə tə̂, a bbasinɛn n̂-teeje nəənn ngaa.

Kulaje 21:30

Lo yəkə mə bbe tə̂ le tɔyn arə dəwje inje loje tə̂ dang dang ddeeje tokə banya. Duwaje Pɔl n̂-teeje saa kəy-polo Lubba tə̂ ddaka ngaâ dutuje ta-kəy-polo Lubba le kə ngɔru.

Kulaje 8:3

A Sɔl unn kutu tuju Egilisi. Nandə mə kəyje tə̂, nuwa dingawje kə dɛnɛ̂nje kə singa nungude kəy-kula tə̂.

Kulaje 9:16

Əman njaa mâ tɔjɛ̂ nɛ̂n kəm-to-ndooje tɔyn kə̂ a kingɛ̂ mba rim.»

2 Kɔrɛntinyɛje 6:5

Dəwje tundajeje, dilajeje kəy-kula tə̂, wooy dda dəwje dɔje tə̂, kula ɔru singaje, n̂-ddaje darə n-tibbi ang, joso labbə.

Pilipinyɛje 1:30

Ndoo le to ddɔ kə̂ aw ddaje tokə m-dda le ngaâ m-nayn tɛɛ̂ tə̂ baa bbay arə aw ooje tarɛ̂ le.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

Jakə 2:6

A sese, aw ooje nje-ndoo to dəw ang kəmse tə̂. Njê-nɛ̂n-kingaje â aw ddaje singa kə se ang wa? Dede â daw dawje kə se nɔn gɔl njê-gangəje sariya tə̂ ang wa?