Kulaje 16:15 - Dɔnɔn kə̂ Siki: Tar kə̂ aw arə təbbə

¹⁵ Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Maketuru le Lubba ke tar kabba

¹⁵ Toke Lidi le de ke nje ke key laa dingaje batem a, n̂-bbarje ngaa n̂-pa nareje na: «Bbo ooje to moo mem te tɔkɔrɔ ke Ebbe-dewje njaa a, e-ddeeje e-toje key lem.» Numa keje nya kare n̂-ndiki bbar ke n̂-bbarje le.

Kulaje 16:15 ပူးပေါင်းရင်းမြစ်များ

Matiye 10:41

Dəw kə̂ taa nje-kila mbər tar lə Lubba kə rɔɛ̂ tə̂, mba dəw kə̂ n̂-tɛɛ̂ le to nje-kila mbər tar lə Lubba a, nâ kinga kuka kə̂ nje-kila mbər tar lə Lubba aw inga. A bbo dəw taa dəw kə̂ gatə gatə kə rɔɛ̂ tə̂, mba dəw kə̂ n̂-tɛɛ̂ le to dəw kə̂ gatə gatə a, nâ kinga kuka kə̂ dəw kə̂ gatə gatə aw inga.

Matiye 3:6

N̂-paje majangje ləde kə ddaka ngaâ Jan le ddade batɛm maann Jurdɛn tə̂.

Luku 14:23

Əbbə-nje-kulaje le pa arɛ̂ nan: ‹Aw ngann ddəwje tə̂ kə kar ndokoje tə̂, uwa dəwje kə singa arə dandəje kəy ta n̂-ddusu mə kəy ləm tɔyn.›

Luku 24:29

A n̂-gangɛ̂je nan: «Ə-nayn kə je, mba lo aw wul ngaâ kar a ta kandə ngaa.» Nandə mə bbe tə̂ le ngaâ n̂-nayn kə de.

Kulaje 11:14

Simɔn le a pa tarje kari. Əi kə njê kə̂ kəy ləi â kingaje kaji ddəw tarje tə̂ənn le.›

Kulaje 16:31

N̂-paje darɛ̂ nan: «Oo məi tə̂ kə Əbbə-dəwje Jeju a, â kinga kaji, əi ddəm njê kə̂ kə̂y ləi ddəm.»

Kulaje 16:33

Til tə̂ənn njaa, nje-ngəm ta kəy-kula le aw kə de aw toko kəm doje ləde. Ngaji goe tə̂ a, n̂-ddɛɛ̂je batɛm kə njê kə̂ kəy laa.

Kulaje 16:34

Naw kə Pɔl de kə Silas kəy laa naw narəde nɛ̂n-kusa ngaâ n̂-dda rɔ-nəəl kə njê-nujuje laa mba koo kə̂ noo məɛ̂ tə̂ kə Lubba le.

Kulaje 18:8

Krispus kə̂ to nje-kɔn dɔ kəy mbɔn-naan lə Jiipije unn məɛ̂ arə Əbbə-dəwje, ne de kə njê kə̂ kə̂y laa tɔyn. Marə dəwje kə̂ Kɔrɛntə nya ooje tar kə̂ Pɔl tɔju le. Dooje məde tə̂ ngaâ dingaje batɛm.

Kulaje 8:12

A dəwje tɔyn, dingawje kə dɛnɛ̂nje kə̂ ooje məde tə̂ kə Tar kə̂ Maji kə̂ Pilipi tɔju dɔ Bbe-kɔn tə̂ lə Lubba ddəm dɔ tar tə̂ lə Jeju-Kristə ddəm ingaje batɛm.

Kulaje 8:38

Goe tə̂ a, narə Sarɛtə le ar lo kâra ngaâ de kə Pilipi le joo kəm n̂-ddisije dawje mə maann tə̂ le ngaâ Pilipi ddɛɛ̂ batɛm.

Rɔmɛnje 16:23

Əman Pɔl m-pa marəse, Gayus kə̂ m-to kəy laa kə Egilisi kə̂ to kəy laa ddase lapiya. Erastə kə̂ to nje-ngəm narɛ kə̂ bbe tə̂ le ddase lapiya. Ngokɔnje Kartus ddase lapiya tɔ. [

2 Kɔrɛntinyɛje 12:11

Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 5:14

Mba n-gərə to Kristə ndikije nya, jeje kə̂ n-gərə to dəw kâra baa kə̂ to Kristə le oy mba dəwje tɔyn, yeenn a, dəwje tɔyn oyje tɔ.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

Pilemɔn 1:17

Mba yeenn bba, bbo əjə to m-to nami a, ə-tɛɛ̂ kə rɔi tə̂ tokə əman â ə-taam kə rɔi tə̂.

Ebərəje 13:2

Maji karə məse oy ta taa njê-mbaje kə majɛ̂ rɔse tə̂ ang. Mba ddəw nɛ̂n-dda tə̂ kə̂ baann â, marə dəwje taaje anjəje kə rɔde tə̂, a n̂-gərəje to anjəje ang.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

2 Jan 1:10

Bbo dəw ddee rɔse tə̂ ngaâ tɔjuse marə nɛ̂n-tɔju kə̂ dang a, ə-ddɛɛ̂je lapiya ang ddəm ə-tɛɛ̂je kə kəy ləse ang ddəm.

3 Jan 1:5

Ngokɔnʼm kə̂ m-ndikii nya, ə-to gatə gatə ddəw nɛ̂n tə̂ kə̂ aw dda mba ngakɔinje ngaâ njê-mbaje njaa kara aw umande tɔ.

3 Jan 1:8

To tar ləje ta kuwa dəwje kə̂ baann kə rɔje tə̂. Baann bba ja toje to njê-kula marədeje mba tar kə̂ tɔkɔrɔ.