Kulaje 15:40 - Dɔnɔn kə̂ Siki: Tar kə̂ aw arə təbbə

⁴⁰ A Pɔl unn Silas ilɛ̂ goe tə̂. Goe tə̂ a, njê-mə-kunnje ilaje Pɔl ji Əbbə-dəwje tə̂ karə dda saa mə-maji ngaâ nɔtu.

Maketuru le Lubba ke tar kabba

⁴⁰ A Pɔl unn Silase ilae goe te. Goe te a, nje-koo-meteje ilaje Pɔl ji Ebbe-dewje te kare dda saa me-maji ngaa nɔtu.

Kulaje 15:40 ပူးပေါင်းရင်းမြစ်များ

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 13:3

Yeenn bba, dɔkuje rɔde nɛ̂n-kusa ngaâ n̂-dujuje Lubba ngaâ goe tə̂, dilaje jide dɔde tə̂ ngaâ dinyade darə dɔtuje.

Kulaje 14:26

Lo tə̂ənn, dunnje tɔkə to mba təl Antiyos nangə tə̂ kə̂ Siri. Antiyos le â njê-mə-kunnje inyajede kə tə̂ ji Lubba tə̂ kete mba karə Lubba dda kə de mə-maji arə n̂-ddaje kula kə̂ n̂-ddaje n̂-tungaje nəənn le.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 15:32

Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Kulaje 16:19

Əbbeejedede ooje to nɛ̂n kə̂ daw dundaje məde dɔɛ tə̂ le goto ngaa a, duwaje Pɔl kə Silas dawje kə de natâ nɔn njê-kɔn-bbeje tə̂.

Kulaje 17:4

Marə Jiipije le ndikije tar tə̂ le ngaâ unnje go Pɔl de kə Silas. Gɛrɛkəje nya kə̂ aw poloje Lubba kə marə dɛnɛ̂nje kə̂ toje to dəwje kə̂ bo ddaje tokə baann tɔ.

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Timɔte 4:22

Maji karə Əbbə-dəwje ngəmi! Maji karə mə-maji lə Əbbə-dəwje nayn kə se!

Titə 3:15

Dəwje tɔyn kə̂ eeje səm nəənn ddaije lapiya. Ə-dda lapiya njê kə̂ toje to nanʼmjeje ddəw mə-kunn tə̂. Maji karə mə-maji lə Lubba nayn kə se tɔyn!