Kulaje 15:32 - Dɔnɔn kə̂ Siki: Tar kə̂ aw arə təbbə

³² Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Maketuru le Lubba ke tar kabba

³² Jude de ke Silase ke toje to nje-kilaje mber-tar le Lubba le paje tar nya arede kare dingaje ne singa.

Kulaje 15:32 ပူးပေါင်းရင်းမြစ်များ

Matiye 23:34

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Luku 11:49

Mba yeenn bba Lubba pa tar ddəw kəm-karɛ tə̂ laa nan: ‹Mâ kula njê-kilaje mbər tar kə njê-kaw-kulaje karəde. Dâ tɔl marɛ̂je ngaâ dâ kula kəm marɛ̂je ndoo tə̂.›

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 11:27

Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 15:1

Marə dəwje inje Jude ddeeje Antiyos nangə tə̂ kə̂ Siri. N̂-tɔjuje nɛ̂n njê-mə-kunnje kə̂ Antiyos le nan: «Bbo ujaje ganja tokə Ndu lə Mɔyijə pa ang a, â kasəje ta kinga kaji ang.»

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 15:27

Yeenn bba, jula Judə de kə Silas jarəse karə n̂-paje tar kə̂ makəturu tə̂ le kə tade darəse.

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 15:31

N̂-turaje makəturu le a, n̂-ddaje rɔ-nəəl nya mba tar kə̂ makəturu tə̂ le arəde singa.

Kulaje 15:41

Pɔl nday nangə tə̂ kə̂ Siri kə Silisi, n̂-ndəjə dəwje kə̂ Egilisije tə̂ le karə duwaje mə-kunn ləde darə ngəng.

Kulaje 18:23

N̂-dda ndɔ ngaji lo tə̂ənn ngaâ nin n̂-nday nangə Galasi kə Piriji tə̂, narə ndəjə njê-njaje go Əbbə-dəwje tə̂ tɔyn karə dingaje singa.

Kulaje 2:40

Piyɛr pa tarje dang dang mba kɔru nɛ̂n naji ddəm mba karə dubbaje nɛ̂n singa ddəm. N̂-pa nan: «Ə-teeje horo njê-mə-majangje tə̂ kə̂ bbasinɛn nəənn kə ddang arəje Lubba ajise.»

Kulaje 20:2

N̂-nday nangə tə̂ kə̂ Maseduwann n̂-ndəjə njê-mə-kunnje nya karə dinga singa ngaâ naw Gerɛsə.

Rɔmɛnje 12:6

Lubba arəje gusuje dang dang ddəw mə-maji tə̂ laa kə̂ n̂-dda kə je. Dəw kə̂ Lubba arɛ̂ gusu karə ila nɛ̂n mbər tar lə Lubba a, maji karə dda kula laa le ddəw mə-kunn tə̂.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Kɔrɛntinyɛje 14:29

Nɛ̂n kə̂ ɔju dɔ kila mbər tar lə Lubba, maji karə dəwje joo wase mota paje tar. A kəseje isaje tar le ooje.

1 Kɔrɛntinyɛje 14:3

A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

1 Kɔrɛntinyɛje 14:32

Njê-kilaje mbər tar lə Lubba ɔnje dɔ gusu kila mbər tar kə̂ Ndil arəde le.

Epɛjinyɛje 3:5

Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

1 Tesalonisinyɛje 2:11

Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

1 Tesalonisinyɛje 5:20

Maji karə ə-mbətəje mbər tarje lə Lubba kə̂ daw dila le ang.

2 Tesalonisinyɛje 3:12

Dəwje kə̂ baann le, junn ndu nəənn jarəde, n-ndəjəde kə ri Əbbəjeje Jeju-Kristə karə n̂-ddaje kula ddekeke, ta dede njaa dingaje nɛ̂n nɛ̂n-kusa tade.

1 Timɔte 2:1

Nɛ̂n kə̂ maw ndəjəse ta karə ə-ddaje dɔngɔrɛ̂ â to karə ə-dujuje nɛ̂nje ji Lubba tə̂, karə ə-paje tar kə Lubba, ə-ddaje rɔse to ndoo nɔn Lubba tə̂ ngaâ ə-təlje kə wooyo arəje Lubba mba dəwje tɔyn.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

1 Piyɛr 5:1

Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.