Kulaje 15:28 - Dɔnɔn kə̂ Siki: Tar kə̂ aw arə təbbə

²⁸ Ndil-mə-nda ddəm jeje ddəm n-ndiki ta kunda marə nɛ̂n-koto dang dɔ nɛ̂n tə̂ kə̂ to ta karə ə-ddaje le ang ngaa. Nɛ̂n kə̂ ta dda â nəənn:

Maketuru le Lubba ke tar kabba

²⁸ Ndil-me-nda ddem, jeje ddem, n̂-ndiki ta kunda mare ne-koto dang dɔ ne te ke to maji kare e-ddaje ang ngaa. Ne ke ta dda a neenn:

Kulaje 15:28 ပူးပေါင်းရင်းမြစ်များ

Matiye 11:30

Mba juku kə̂ mâ kunda gɔsuse tə̂ ɔɔy ang ddəm nɛ̂n-koto kə̂ marəse karə otoje kara ɔlɛ pel pel ddəm.»

Matiye 23:4

Nɛ̂n-koto kə̂ ɔɔy â n̂-tɔje dundaje dɔ dəwje tə̂, a dede, ndɔn-jide kara n̂-ndikije ta kɔru nɛ̂n nɛ̂n-koto le ang.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Kulaje 15:19

Mba yeenn bba, kəjə tə̂ ləm m-ndiki ta karə n-ddaje nɛ̂nje kə̂ a jɔku dəwje kə̂ toje to Jiipije ang kə̂ unnje go Lubba le ang.

Kulaje 15:25

Mba yeenn bba, jeje tɔyn njaa junn nduje mba mbərə marə dəwje kulade turuje tə̂ karə n̂-dannje Barnabas de kə Pɔl kə̂ n-ndikide nya.

Kulaje 15:8

Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

Kulaje 16:4

Bbeje kə̂ Pɔl de kə Silas n̂-teeje tə̂, n̂-ndajije nduje kə̂ njê-kaw-kulaje kə dəwje kə̂ dɔ Egilisi tə̂ kə̂ Jerujalɛm unnje le darə dəwje. N̂-walde nya karə n̂-ddaje nɛ̂n kə turu nduje le.

Kulaje 5:32

Jeje kə Ndil-mə-nda kə̂ Lubba arə dəwje kə̂ ooje tɛɛ̂ n-to njê-tar-naji nɛ̂nje kə̂ toje le.»

1 Kɔrɛntinyɛje 14:37

Bbo marə dəw oo rɔɛ̂ to nje-kila mbər tar lə Lubba wase oo to Ndil tɔjɛ̂ marə nɛ̂n a, maji karə n̂-gərə to tar kə̂ makəturu tə̂ kə̂ maw dda marəse nəənn to ndu kə̂ Əbbəjeje â unn.

1 Kɔrɛntinyɛje 7:25

Dɛnɛ̂nje kə̂ gərəje ngaw ang kə dingawje kə̂ gərəje dɛnɛ̂n ang, Əbbə-dəwje arəm ndu mbade ang. Tar kə̂ məm tə̂ njaa maw pa nəənn, əman kə̂ ddəw maji tə̂ kə̂ Əbbə-dəwje dda səm, dəwje a kasəje ta kundaje məde dɔm tə̂.

1 Kɔrɛntinyɛje 7:40

A kə̂ kəjə tə̂ ləm, bbo n̂-taa ngaw ang a, nâ kisi kə rɔ-nəəl nya uta. Əman njaa kara məjə to Ndil lə Lubba to rɔm tə̂ tɔ.

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

Apokalisi 2:24

«A see kəsə dəwje kə̂ Tiyatir, sese kə̂ ə-mbətəje ta kunn go nɛ̂n-tɔju kə̂ maji ang le ngaâ ə-mbətəje ta ndo nɛ̂n kə̂ dəwje le aw bbarje nan ‹nɛ̂nje lə Satan kə̂ iyaje rɔde› le, mâ kunda marə nɛ̂n-koto dɔse tə̂ ang.