Kulaje 15:22 - Dɔnɔn kə̂ Siki: Tar kə̂ aw arə təbbə

²² Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Maketuru le Lubba ke tar kabba

²² Nje-kayn-kulaje, ansiyenje, ke dewje ke Egilisi te ooje maji ta mbere mare dewje horode te kare dawje ke Pɔl de ke Barnabase Antiyose. Dewje ke n̂-mberede le to Judase ke daw n̂-bbare na Barsabase, ke Silase. N̂-toje to dewje ke dewje bbeeljede.

Kulaje 15:22 ပူးပေါင်းရင်းမြစ်များ

Kulaje 1:23

Yeenn ngaâ n̂-tɔjuje dəwje joo: Jojɛpə kə̂ marə ria to Barsabas kə̂ daw bbarɛ̂ bbay nan Justus, ne kə Matiyas.

Kulaje 11:19

Njê-mə-kunnje kə̂ sanrɛje naan mba nɛ̂n-singa kə̂ ingade go yo tə̂ lə Etiyɛnn le awje ndərəng teeje bbe tə̂ kə̂ Penisi, Sipərə kə Antiyos. A mə bbeje tə̂ənn le Jiipije kə karəde baa â n̂-tɔjude tar lə Lubba.

Kulaje 11:20

A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.

Kulaje 11:22

Njê-mə-kunnje kə̂ Egilisi tə̂ kə̂ Jerujalɛm ooje tar nəənn le ngaâ ulaje Barnabas Antiyos.

Kulaje 11:27

Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

Kulaje 15:23

Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.

Kulaje 15:25

Mba yeenn bba, jeje tɔyn njaa junn nduje mba mbərə marə dəwje kulade turuje tə̂ karə n̂-dannje Barnabas de kə Pɔl kə̂ n-ndikide nya.

Kulaje 15:27

Yeenn bba, jula Judə de kə Silas jarəse karə n̂-paje tar kə̂ makəturu tə̂ le kə tade darəse.

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 15:30

Pɔl, Barnabas, Judə kə Silas, dɔtuje dawje Antiyos ngaâ n̂-mbɔnje njê-mə-kunnje darəde makəturu le.

Kulaje 15:32

Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Kulaje 15:40

A Pɔl unn Silas ilɛ̂ goe tə̂. Goe tə̂ a, njê-mə-kunnje ilaje Pɔl ji Əbbə-dəwje tə̂ karə dda saa mə-maji ngaâ nɔtu.

Kulaje 16:19

Əbbeejedede ooje to nɛ̂n kə̂ daw dundaje məde dɔɛ tə̂ le goto ngaa a, duwaje Pɔl kə Silas dawje kə de natâ nɔn njê-kɔn-bbeje tə̂.

Kulaje 16:25

Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.

Kulaje 16:29

Nje-ngəm ta kəy-kula le duju puru ta koo nɛ̂n lo ngaâ andə kəy-kula tə̂ le kə ngɔru. Noso kɔ gɔl Pɔl de kə Silas tə̂ naw nisa.

Kulaje 17:10

Lo ndul a, njê-mə-kunnje arə Pɔl de kə Silas dawje bbe tə̂ kə̂ Bere. N̂-teeje a, dawje kəy mbɔn-naan tə̂ lə Jiipije.

Kulaje 17:14

Njangə baa a, njê-mə-kunnje arəje Pɔl unn ddəw ər kə ta tɔkə ba tə̂, a Silas de kə Timɔte n̂-naynje tə̂ənn.

Kulaje 17:4

Marə Jiipije le ndikije tar tə̂ le ngaâ unnje go Pɔl de kə Silas. Gɛrɛkəje nya kə̂ aw poloje Lubba kə marə dɛnɛ̂nje kə̂ toje to dəwje kə̂ bo ddaje tokə baann tɔ.

Kulaje 18:5

Silas de kə Timɔte dinje Maseduwann n̂-teeje a, Pɔl unn rɔɛ̂ tɔyn mba tɔju tar lə Lubba. N̂-pa narə Jiipije nan Jeju le njaa to Mesi.

Kulaje 8:14

Njê-kaw-kulaje kə̂ Jerujalɛm tə̂ ooje nan dəwje kə̂ Samari taaje tar lə Lubba. Yeenn bba dulaje Piyɛr kə Jan darəde.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

2 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Bɔjeje Lubba kə lə Əbbə-dəwje Jeju-Kristə.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.