Kulaje 14:19 - Dɔnɔn kə̂ Siki: Tar kə̂ aw arə təbbə

¹⁹ Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Maketuru le Lubba ke tar kabba

¹⁹ Jiipije ke inje bbe te ke Antiyose, ke bbe te ke Ikoniyɔm ddaje are dewje ke banya banya le unnje gode. N̂-tilaje Pɔl ke er ta tɔle ngaa n̂-ndɔreje n̂-teeje saa me bbe te ke ddang, mba dɔjuje to noy.

Kulaje 14:19 ပူးပေါင်းရင်းမြစ်များ

Kulaje 13:14

Pɔl de kə njê-buwa-njaje laa le dinje Pɛrjə le dawje Antiyos nangə tə̂ kə̂ Pisidi. Marə ndɔ-kuwa-rɔ tə̂ lə Jiipije, daw dandəje kəy mbɔn-naan tə̂ lə Jiipije ngaâ disije nangə̂.

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 14:1

Pɔl de kə Barnabas n̂-ddee n̂-teeje mə bbe tə̂ kə̂ Ikoniyɔm a, dandəje kəy mbɔn-naan tə̂ lə Jiipije. N̂-tɔjuje tar lə Lubba darə Jiipije kə Gɛrɛkəje nya ooje məde tə̂.

Kulaje 14:18

Dɔ tarje tə̂ nəənn tɔyn, bbo karə nɛ̂n-polo Pɔl de kə Barnabas aw ddade bbay.

Kulaje 14:2

A Jiipije kə̂ mbətəje ta koo məde tə̂ le aw tulaje dəwje kə̂ toje to Jiipije ang karə dəjəje kəjə kə̂ maji ang dɔ Pɔl de kə Barnabas tə̂.

Kulaje 14:21

Pɔl de kə Barnabas n̂-tɔjuje Tar kə̂ Maji bbe tə̂ kə̂ Dɛrbə. Dəwje nya ddeeje to njê-njaje go Əbbə-dəwje tə̂. Goe tə̂ a, n̂-təlje kə ddəw kə̂ Listərə, Ikoniyɔm kə Antiyos.

Kulaje 14:26

Lo tə̂ənn, dunnje tɔkə to mba təl Antiyos nangə tə̂ kə̂ Siri. Antiyos le â njê-mə-kunnje inyajede kə tə̂ ji Lubba tə̂ kete mba karə Lubba dda kə de mə-maji arə n̂-ddaje kula kə̂ n̂-ddaje n̂-tungaje nəənn le.

Kulaje 14:4

Dəwje kə̂ bbe tə̂ le horode tin joo: Marɛ̂je unnje go Jiipije, a marɛ̂je unnje go njê-kaw-kulaje le.

Kulaje 14:5

Jiipije kə mbayje ləde ddəm dəwje kə̂ toje to Jiipije ang ddəm n̂-ndikije ta dda Pɔl de kə Barnabas maji ang, ta tilade kə ər tɔlde.

Kulaje 15:26

N̂-toje to dəwje kə̂ ilaje rɔde kɔrɔ̂ mba kula lə Əbbə-dəwje Jeju-Kristə.

Kulaje 17:13

Jiipije kə̂ Tesalonikə ooje nan Pɔl aw tɔju tar lə Lubba Bere tɔ a, n̂-ddeeje ta yəkə lo ngaâ ta kɔsu kutu dəwje kə̂ banya le.

Kulaje 22:20

Kar tə̂ kə̂ daw tɔl nɛ̂n Etiyɛnn kə̂ to nje-tar-naji ləi le mee loe tə̂ tɔ, m-ndiki tə̂ kə de ngaâ m-ngəm kubbuje lə njê kə̂ tɔlɛ̂je le.

Kulaje 7:58

N̂-ndɔrɛ̂je n̂-teeje saa mə bbe tə̂ kə ddang ngaâ dunnje kutu tilɛ̂ kə ər ta tɔlɛ̂. Njê-tar-najije kə̂ undaje tar dɔɛ̂ tə̂ le unguje kubbuje ləde dɔ naan tə̂ nɔn marə basan tə̂ kə̂ ria nan Sɔl karə n̂-ngəm.

Kulaje 9:16

Əman njaa mâ tɔjɛ̂ nɛ̂n kəm-to-ndooje tɔyn kə̂ a kingɛ̂ mba rim.»

1 Kɔrɛntinyɛje 15:31

Mərəse ang, ngakɔnʼmje kə ndɔ kâra kâra tɔyn yo aw bbərə gom. Tɔkɔrɔ njaa rɔm nəələm nya mbase, sese kə̂ əman kə se n-ddaje mə-kâra kə Əbbəjeje Jeju-Kristə le.

2 Kɔrɛntinyɛje 11:23

N̂-toje to njê-kulaje lə Kristə wa? Mâ pa tar tokə nje-wooy: M-to nje-kula lə Kristə kə̂ utade bbay. M-dda kula mutade, dilam kəy-kula tə̂ gɔl banya utade, n̂-tundam dutade ngaâ maw ta yo tə̂ ngɔsi mutade.

2 Kɔrɛntinyɛje 11:25

Gɔl mota njaa dəwje tundamje kə kakə, dəwje tilamje kə ər gɔl kâra, tɔkə to dii səm gɔl mota, m-nayn mə maann tə̂ kə əsindɔɔ ndərəng lo arɛ gɔl kâra.

2 Kɔrɛntinyɛje 11:26

Njaje tə̂ ləm kə̂ maw nja, nɛ̂n-singaje ingam: Baje a ta kuwam. Njê-bbokoje, ngakɔm Jiipije kə dəwje kə̂ toje to Jiipije ang a ta tɔləmje. Nɛ̂n-singaje ingamje mə tɔkə bbeje tə̂, mə kɔr tə̂, dɔ ba-katəje tə̂, ngakɔnʼmje kə̂ tɔkɔrɔ ang aw ddaje səm singa.

1 Tesalonisinyɛje 2:14

Ngakɔnje kə̂ Tesalonikə, ə-ndajije nɛ̂n-dda lə dəwje kə̂ Egilisi tə̂ kə̂ nangə tə̂ kə̂ Jude mban, dede kə̂ dooje məde tə̂ kə Jeju-Kristə le. Dede le dooje ndoo ji Jiipije tə̂, a bbasinɛn sese kara njê kə̂ ləse njaa aw ula kəmse ndoo tə̂ tokə baann tɔ.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.