Kulaje 14:15 - Dɔnɔn kə̂ Siki: Tar kə̂ aw arə təbbə

¹⁵ «Mba ddi bba ə-ddaje nɛ̂n tokə be wa? Jeje kara n-to dəwje tokə sese tɔ. Jaw pa Tar kə̂ Maji jarəse karə ta ə-mbətəje nɛ̂n kə̂ ture goto, ta aaje lo kə rɔ Lubba tə̂ kə̂ isi kəm baa. Lubba le â dda dara kə nangə, ba-katə kə nɛ̂nje tɔyn kə̂ toje tə̂.

Maketuru le Lubba ke tar kabba

¹⁵ «Mbata ddi a e-ddaje ne toke be wa? Jeje kara n̂-to dewje toke lese tɔ. Jaw n̂-pa Tar ke maji jarese kare ta e-mbeteje ne ke ture goto ta aaje lo ke rɔ Lubba te ke isi kem baa. Lubba le a dda dara, ke nange, ke ba, ke neje tɔyn ke toje te.

Kulaje 14:15 ပူးပေါင်းရင်းမြစ်များ

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Tar kə̂ Maji kə̂ Jan dda makəturu tə̂ 5:26

Mba, təbbə to rɔ Bɔ tə̂ njaa, yeenn bba narə təbbə to rɔ Ngonn tə̂ njaa tɔ.

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

Kulaje 10:26

A Piyɛr uwɛ̂ kə taar ngaâ pa nan: «In taar, mba əman kara m-to dəw mari.»

Kulaje 13:32

Jeje kara, jila mbər Tar kə̂ Maji nəənn jarəse tɔ. Nɛ̂n kə̂ Lubba unn ndue mbɛɛ̂ arə kajejedede le,

Kulaje 14:21

Pɔl de kə Barnabas n̂-tɔjuje Tar kə̂ Maji bbe tə̂ kə̂ Dɛrbə. Dəwje nya ddeeje to njê-njaje go Əbbə-dəwje tə̂. Goe tə̂ a, n̂-təlje kə ddəw kə̂ Listərə, Ikoniyɔm kə Antiyos.

Kulaje 14:7

Loje tə̂ənn, n̂-tɔjuje Tar kə̂ Maji dəwje tɔ.

Kulaje 16:30

Goe tə̂ a, nje-ngəm ta kəy-kula le arə Pɔl de kə Silas n̂-teeje ddaka ngaâ n̂-dujude n̂-pa nan: «Əbbəmjedede ddi â mâ dda bba mâ kinga kaji wa?»

Kulaje 27:10

«Ngakɔnʼmje, moo a, lo-kaw ləje nəənn a maji ang. Tɔkə to le ddəm nɛ̂n-kotoje ddəm a tujuje nya. Jeje njaa kara jee ta yo tə̂ tɔ.»

Kulaje 27:21

Dəwje kə̂ mə tɔkə to tə̂ le usaje nɛ̂n ang ndɔ banya nya. Yeenn ngaâ Pɔl ar taar nɔn dəwje tə̂ le tɔyn ngaâ pa nan: «Namʼmjedede, bbo ooje tar ləm ngaâ arəje n-naynje Krɛtə a, nɛ̂nje a tuju be ang ddəm nɛ̂nje a nayn kə kɔrɔ̂ be ang ddəm.

Kulaje 27:25

Yeenn a, uwaje arə ngəng, njê-buwa-kuraje ləm! Munda məm dɔ Lubba tə̂. Nâ dda nɛ̂n tokə n̂-pa narəm.

Kulaje 4:24

Njê-marədeje le ooje tar ləde le ngaâ dede tɔyn njaa dooje ta naan, n̂-dujuje Lubba n̂-paje nan: «Əbbəjeje, əi njaa ə-dda dara kə nangə kə ba kə nɛ̂nje tɔyn kə̂ toje tə̂.

Kulaje 7:26

Ndɔ kâra goe tə̂ a, Mɔyijə oo ngann Ijarayɛlje joo kə̂ aw ddɔje naan. N̂-ndiki ta dda karə ddekeke to horode tə̂. N̂-pa narəde nan: ‹Ngakɔnʼmje, ə-toje to ngakɔn-naan, a mba ddi bba aw ddaje naan maji ang wa?›

1 Kɔrɛntinyɛje 8:4

Yeenn a, ja kasəje ta kusa daje kə̂ n̂-polo nɛ̂n kɔrje wa? N-gərəje kə majɛ̂ to kɔr goto dɔ nangə tə̂ ngaâ Lubba kâra baa bbo marə lubba dang to ang.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

Jakə 5:17

Eli to dəw tokə jeje tɔ, a n̂-duju Lubba ngəng karə ta ndi ərə ang ngaâ ndi le ərə dɔ nangə tə̂ ang bbal mota kə nɛyn misan.

Apokalisi 14:7

Anjə le pa tar kə singa nan: «Ə-bbəəlje Lubba, ɔsuje gajɛ̂! Mba kar kə̂ nâ gangə nɛ̂n sariya dɔ dəwje tə̂ asə ngaa. Ə-poloje nje-dda dara kə nangə kə ba-katə kə ddutu dɔ maannje.»

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 19:19

Goe tə̂ a, moo da le kə tɔkə mbayje kə̂ dɔ nangə tə̂ kə mbambaje ləde. N̂-mbɔnje naan ta ddɔ kə dəw kə̂ isi dɔ sunda tə̂ le, ne kə mbambaje laa.

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»

Apokalisi 4:11

«Əbbə-dəwje Lubba ləje, asə ta karə dəwje pitije, karə dəwje walije, asə ta kinga singa-mɔngu, mba əi njaa ə-dda nɛ̂nje tɔyn, əi njaa ə-ndiki bba nɛ̂nje le toje.»