Kulaje 13:6 - Dɔnɔn kə̂ Siki: Tar kə̂ aw arə təbbə

⁶ Daalje dɔ dərə-maann le tɔyn ngaâ n̂-teeje bbe tə̂ kə̂ Papos a, dingaje marə Jiipi kə̂ to nje-əmbili ddəm to nje-kila mbər tar kə̂ tɔkɔrɔ ang ddəm. Ria nan Bar-Jeju.

Maketuru le Lubba ke tar kabba

⁶ Goe te ke n̂-tɔyje dɔ-dere maann te le tɔyn ngaa n̂-teeje bbe te ke Papose a, dingaje mare Jiipi ke to nje-kuma ke to nje-kila mber-tar ngem. Ria na Bar-Jeju.

Kulaje 13:6 ပူးပေါင်းရင်းမြစ်များ

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 7:15

«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Marke 10:46

Jeju kə njê-njaje goe tə̂ n̂-teeje Jeriko. Ne kə njê-njaje goe tə̂ kə dəwje kə̂ banya daw teeje mə tɔkə bbe tə̂ le ta kɔtu a, marə nje-kəm-tɔ kə̂ to ngonn lə Time, ria nan Bartime isi mbɔr ddəw tə̂ aw kɔy nɛ̂n.

Kulaje 13:13

Pɔl de kə njê-buwa-njaje laa dunnje to Papos ngaâ n̂-teeje Pɛrjə nangə tə̂ kə̂ Pampili. A Jan tusude inyade lo tə̂ənn a təl bbe tə̂ kə̂ Jerujalɛm.

Kulaje 13:8

A Elimas (ri nje-əmbili kə ndɔn-tar lə gɛrɛkəje tokə baann), ndiki ta kɔku ddəw Barnabas de kə Sɔl le ngaâ n̂-sangə ddəw ta dda karə ngonn mbay le unn məɛ̂ arə Jeju ang.

2 Kɔrɛntinyɛje 11:13

Dede, n̂-toje to njê-kaw-kulaje kə̂ tɔkɔrɔ ang. N̂-toje to njê-ngəmje kə̂ ddaje rɔde to njê-kaw-kulaje lə Kristə.

2 Timɔte 3:8

Ləw, Janɛs de kə Jambɛrɛs n̂-mbətəje tar lə Mɔyijə, ddəw kâra baa, dəwje nəənn aw mbətəje tar kə̂ tɔkɔrɔ tokə baann tɔ. N̂-toje to dəwje kə̂ kəjə ləde tuju ngaâ mə-kunn ləde to nɛ̂n kâra ang.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.