Kulaje 13:46 - Dɔnɔn kə̂ Siki: Tar kə̂ aw arə təbbə

⁴⁶ Pɔl de kə Barnabas n̂-paje tar kə bbəəl ang darəde nan: «Sese â, to ta karə ə-toje to dɔngɔr dəwje kə̂ ja pa tar lə Lubba nəənn karəse. A ə-mbətəje tar le ngaâ sese njaa ə-təlje ooje rɔse to dəwje kə̂ asəje ta kinga təbbə kə̂ to kə ndɔ kə ndɔ ang. Yeenn bba, n-turu kəmje kə rɔ dəwje tə̂ kə̂ toje to Jiipije ang ngaa.

Maketuru le Lubba ke tar kabba

⁴⁶ Pɔl de ke Barnabase n̂-paje tar ke bbeel ang darede na: ‹‹Sese a, a toje to dɔngɔr dewje ke jaa pa tar le Lubba neenn karese. A, e-mbeteje tar le ngaa sese njaa e-telje ooje rɔse to dewje ke aseje ta kinga tebbe ke ke ndɔ ke ndɔ ang. Yeenn a, n̂-turu kemje ke rɔ dewje te ke toje to Jiipije ang ngaa.

Kulaje 13:46 ပူးပေါင်းရင်းမြစ်များ

Matiye 10:6

A ta awje rɔ dəwje tə̂ kə̂ Ijarayɛl kə̂ toje tokə lə batəje kə̂ naynje kə kɔrɔ̂.

Matiye 21:41

Dilɛ̂je tə̂ nan: «Nâ koo kəm-to-ndoo lə njê-mə-majangje nəənn le ang ta nâ tɔlde. Goe tə̂ a, nâ kinya ndɔɔ le ji marə njê-ddaje kula tə̂ kə̂ dang karə ndɔɛ̂ asə a, n̂-ddeeje kə ko-ndɔɔ laa darɛ̂je.»

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 1:11

Tar le ddee bbeê laa njaa, a njê kə̂ bbeê laa le tɛɛ̂je kə rɔde tə̂ ang.

Tar kə̂ Maji kə̂ Jan dda makəturu tə̂ 4:22

See dəwje kə̂ Samari, aw poloje nɛ̂n kə̂ ə-gərəje ang. A jee Jiipije, jaw polo nɛ̂n kə̂ jeje n-gərə. Mba kaji in bbe lə Jiipije bba ddee.

Kulaje 13:14

Pɔl de kə njê-buwa-njaje laa le dinje Pɛrjə le dawje Antiyos nangə tə̂ kə̂ Pisidi. Marə ndɔ-kuwa-rɔ tə̂ lə Jiipije, daw dandəje kəy mbɔn-naan tə̂ lə Jiipije ngaâ disije nangə̂.

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Kulaje 13:5

N̂-teeje bbe tə̂ kə̂ Salaminn a, n̂-paje tar lə Lubba darə dəwje kəy mbɔn-naan tə̂ lə Jiipije. Jan-Markə ee tə̂ənn aw umande.

Kulaje 19:9

A mə marɛ̂je kətərə ngaâ n̂-ndikije tar tə̂ lə Pɔl le ang. Darje kə kəm dəwje tə̂ kə̂ banya le njaa daw paje tar «ddəw lə Əbbə-dəwje» daw kokoje nɛ̂n. Yeenn bba, Pɔl tusude inyade, a mbɔn kəsə njê-njaje go Əbbə-dəwje tə̂ aw kə de kəy nɛ̂n-ndo tə̂ lə Tiranos aw pa tar arəde kə ndɔ kə ndɔ.

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 26:20

A dəwje kə̂ Damas kə Jerujalɛm â mila mbər tar nəənn marəde dɔngɔr. Goe tə̂ a, mila mbər marə dəwje kə̂ Jude kə dəwje kə̂ toje to Jiipije ang. M-pa marəde karə n̂-turuje məde ta daaje lo kə rɔ Lubba tə̂ ngaâ ta n̂-ddaje nɛ̂n kə̂ tɔju to n̂-turuje məde mban.

Kulaje 28:28

Pɔl pa arəde bbay nan: «Maji karə ə-gərəje to Lubba ula kə tar kaji nəənn arə dəwje kə̂ toje to Jiipije ang. Dede dâ ndikije tar tə̂ le.» [

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Kulaje 4:13

Njê-gangəje sariya lə Jiipije ooje Piyɛr de kə Jan kə̂ n̂-toje to dəwje kə̂ baa ddəm dəwje kə̂ gərəje makəturu ang ddəm kə̂ aw paje tar kə bbəəl ang le a, dɔde ayn. A n̂-gɔnje n̂-gərəje tɔ to n̂-toje to njê-buwa-njaje lə Jeju.»

Kulaje 7:51

«See njê-dɔ-kətərəje, sese kə̂ Lubba bbarse, a arəje məse kətərə ngaâ ooje nɛ̂n-bbar laa ang, a aw mbətəje tar lə Ndil-mə-nda kə ndɔ tɔyn. Ə-toje ddəw kâra baa kə kasəse.

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 2:10

A dəwje tɔyn kə̂ aw ddaje maji, Lubba a kɔsu gajide, nâ walde, nâ karə məde wul lɔm, a kunn-kute dɔ Jiipije tə̂ dɔngɔr bba a tee dɔ Gɛrɛkəje tə̂.

Pilipinyɛje 1:14

Ngakɔnjeje nya kə̂ oomje kəy-kula tə̂ ingaje singa nya ddəw tə̂ lə Əbbə-dəwje ta kila mbər tar lə Lubba kə bbəəl ang.

Ebərəje 11:34

N̂-tɔlje puruje kə̂ aw ɔn kə singa nya, n̂-teeje ji dəwje tə̂ kə̂ a ta tɔlde kə tɔkə kiya. Singade ɔru, a n̂-təl dingaje singa. Mə ddɔ tə̂, n̂-ddeeje to baw-ddɔje njaa ngaâ n̂-tubbaje njê-ddɔje kə̂ inje marə bbeje tə̂ kə̂ dang kə̂ ndikije ta taa bbe ləde jide tə̂.