Kulaje 13:40 - Dɔnɔn kə̂ Siki: Tar kə̂ aw arə təbbə

⁴⁰ Yeenn a, maji karə aaje rɔse mba nɛ̂n kə̂ n̂-dda tarɛ̂ makəturu tə̂ lə njê-kilaje mbər tar lə Lubba nəənn a ddase. Tar nɛ̂n le nan:

Maketuru le Lubba ke tar kabba

⁴⁰ Yeenn a, aaje rɔse mba ne ke n̂-dda tare me maketuru le nje-kilaje mber-tar le Lubba neenn a ddase. Tare le na:

Kulaje 13:40 ပူးပေါင်းရင်းမြစ်များ

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 6:45

Njê-kilaje mbər tar lə Lubba ddaje Makəturu tə̂ nan: ‹Lubba a tɔju nɛ̂n dəwje tɔyn.› Dəw kə̂ oo tar lə Bɔ ngaâ taa nɛ̂n-tɔju laa, to dəw kə̂ ddee rɔm tə̂.

Kulaje 15:15

Tar nəənn le dda mə-kâra kə tar lə njê-kilaje mbər tar lə Lubba kə̂ n̂-dda makəturu tə̂ nan:

Kulaje 7:42

Mba yeenn bba, Lubba inyade arə n̂-poloje nɛ̂nje kə̂ aw ndoko mə dara tə̂ tokə n̂-dda tarɛ̂ makəturu tə̂ lə njê-kilaje mbər tar lə Lubba nan: ‹Ngann Ijarayɛlje, bbal dɔsɔ kə̂ ə-ddaje mə kɔr tə̂ le, əman â ə-ddeeje kə daje kə nɛ̂nje to nɛ̂n-poloje arəmje wa?

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.