Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kulaje 13:39 - Dɔnɔn kə̂ Siki: Tar kə̂ aw arə təbbə

39 Ddəw tə̂ lə Jeju bba dəw kə̂ unn məɛ̂ a, tar majang ɔru dɔɛ̂ tə̂.

အခန်းကိုကြည့်ပါ။ ကော်ပီ

Maketuru le Lubba ke tar kabba

39 Are, ddew te le Jeju bba dew ke oo mee te saa a, a ddee to dew ke gate gate.

အခန်းကိုကြည့်ပါ။ ကော်ပီ




Kulaje 13:39
40 ပူးပေါင်းရင်းမြစ်များ  

Marə nje-gərə-Ndu in ar taar ngaâ duju tar Jeju mba nɛɛ̂n nɛ̂n. N̂-pa nan: «Nje-nɛ̂n-tɔju, ddi â mâ dda bba mâ kinga nɛ̂n təbbə kə̂ to kə ndɔ kə ndɔ wa?»


Jeju pa arɛ̂ nan: «Ila tə̂ kə dɔgɔlɛ̂ njaa. Ə-dda tokə baann a, â nayn kəm baa.»


M-pa marəse, nje-taa narɛ lambo le ddee to dəw kə̂ gatə gatə kəm Lubba tə̂ ngaâ təl kəy laa, a Parijinyɛ le ddee to dəw kə̂ gatə gatə ang. Mba dəw kə̂ ndiki koo rɔɛ̂ bo a, Lubba a karə n̂-ddee tɛn baa ngaâ dəw kə̂ oo rɔɛ̂ tɛn baa a, Lubba a karə n̂-ddee bo.»


Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.


«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.


Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »


Mba bbo dəw unn məɛ̂ a, Lubba ooe to dəw kə̂ gatə gatə. Ngaâ bbo dəw le pa tarɛ̂ kə ddaka a, Lubba ajɛ̂.


Mba Kristə dda arə Ndu lə Mɔyijə ɔsu kɔyn mban. Baann bba karə dəw kə̂ unn məɛ̂ a, ddee gatə gatə kəm Lubba tə̂.


A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.


Mba yeenn bba, dəw kâra kə̂ a dda nɛ̂n kə turu Ndu ta to nɛ̂n gatə gatə kəm Lubba tə̂ goto. Tɔkɔrɔ, Ndu arə ddəw dəw ta gərə majang laa njaa, a bbayɛ̂.


Mba Ndu dda arə wungu dɔrɔ â aw ɔn Lubba. A lo kə̂ Ndu goto tə̂, nje-mbətə Ndu goto tə̂ tɔ.


Tar le to mba jeje tɔ, jeje kə̂ Lubba ooje to dəwje kə̂ gatə gatə, mba jooje məje tə̂ kə Əbbəjeje Jeju kə̂ oy, a ndol le.


Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.


Ndu ddee mba karə majangje ddeeje tokə banya. A lo kə̂ majang banya tə̂, mə-maji lə Lubba bo tə̂ kə kete kete bbay tɔ.


Bbasinɛn, Lubba dda arə n-ddeeje gatə gatə kəmɛ̂ tə̂ ddəw məsə Jeju tə̂. Yeenn a, ddi bba a kɔku ddəw Jeju le karə ajije ta wungu tə̂ kə̂ Lubba dda kə je wa?


Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.


Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.


A ngann Ijarayɛlje kə̂ aw sangəje ddəw ta ddee gatə gatə kəm Lubba tə̂ ddəw Ndu tə̂ le umanje nɛ̂n pin.


Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.


N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.


Əman, to dəw kə̂ oy yo Ndu mban bba ta nayn kəm baa mba Lubba. Moy kə Kristə naan tə̂ kâra baa dɔ kakə-dəsə tə̂.


Tɔ bbay, Makəturu lə Lubba pa kete mban nan Lubba a koo dəwje kə̂ toje to Jiipije ang to dəwje kə̂ gatə gatə kəmɛ̂ tə̂ ddəw mə-kunn tə̂ le. Mba yeenn bba, Makəturu le pa tar kə̂ maji nəənn tokə kete arə Abaraham nan: «Lubba a bbar tar kə̂ maji dɔ kəsə gəl-dəwje tə̂ tɔyn ddəw tə̂ ləi.»


M-təl m-pa bbay marə dəw kə̂ arə dujɛ̂ ganja: To tar laa ta dda nɛ̂n tɔyn kə̂ Ndu pa.


Njê-poloje Lubba kâra kâra tɔyn aw arje taar lo kula tə̂ ləde kə ndɔ tɔyn mba dda kula ləde. Nɛ̂n-poloje kə̂ kâra baa â daw darə. A to nɛ̂n-poloje kə̂ a kasə ta kɔru majangje ndɔ kâra ang.


Mba məsə baw-mangəje kə məsə bal-binyaje asəje ta kɔru majangje ndɔ kâra ang.


Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ