Kulaje 13:29 - Dɔnɔn kə̂ Siki: Tar kə̂ aw arə təbbə

²⁹ N̂-ddaje nɛ̂n tɔyn ddəw kâra baa kə tar kə̂ n̂-pa dɔɛ̂ tə̂ Makəturu tə̂ ngaâ dɔru niinnɛ̂ kakə-dəsə tə̂ dila buwa-yo tə̂.

Maketuru le Lubba ke tar kabba

²⁹ N̂-ddaje ne tɔyn ddew kara baa ke tar ke n̂-pa dɔe te me maketuru te ngaa dɔru ninne kake-dese te dila me buwa-yo te.

Kulaje 13:29 ပူးပေါင်းရင်းမြစ်များ

Marke 15:42

Ndɔɛ̂ le to ndɔ gɔl rɔ nginan nɛ̂n ndɔ-kuwa-rɔ lə Jiipije ngaâ dɔ lo-kul ngaa.

Luku 23:50

Marə dingaw, ria nan Jojɛpə, n̂-to dəw kə̂ maji ddəm dəw kə̂ gatə gatə ddəm. N̂-to dəw kə̂ Arimate kə̂ to marə tɔkə bbe lə Jiipije. Naw ngəbbə kɔn-mbay lə Lubba. Nee horo njê-gangəje sariya tə̂ le. A ne, n̂-mbətə sariya kə̂ njê-gangəje sariya marɛ̂je gangəje dɔ Jeju tə̂ kə nɛ̂nje kə̂ n̂-ddaje kə Jeju le.

Luku 23:53

Nɔru niinn Jeju kakə-dəsə tə̂ nila nangə̂, n̂-kə niinn le kə kubbu, naw nila mə buwa-yo tə̂ kə̂ duru mə ər tə̂. Buwa-yo le dila niinn dəw məɛ tə̂ ndɔ kâra ang bbay.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 19:28

Goe tə̂ a, Jeju gərə to nɛ̂n tɔyn tunga mban. A karə tar kə̂ Makəturu pa le ddee to tar kə̂ tɔkɔrɔ a, n̂-pa nan: «Kunda ɔnʼm.»

Tar kə̂ Maji kə̂ Jan dda makəturu tə̂ 19:30

Jeju ay maann-binyə kə̂ masə le ngaâ pa nan: «Nɛ̂n tɔyn tunga ngaa.» Yeenn ngaâ nula dɔɛ̂ kə̂ nangə̂ a, noy.

Kulaje 13:27

Njê kə̂ Jerujalɛm kə mbayje ləde gərəje Jeju ang. N̂-gərəje mə tar kə̂ njê-kilaje mbər tar lə Lubba paje kə̂ daw turaje kə ndɔ-kuwa-rɔ kâra kâra tɔyn le ang. N̂-ddaje nɛ̂n kə̂ njê-kilaje mbər tar paje le. Yeenn bba, n̂-gangəje sariya-yo dɔ Jeju tə̂.

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Kulaje 26:22

A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

Kulaje 4:28

Baann â, n̂-ddaje darə nɛ̂n tɔyn kə̂ ə-gɔl kete ddəw singa-mɔngu tə̂ ləi kə ddəw mə-ndiki tə̂ ləi le ddee to nɛ̂n kə̂ tɔkɔrɔ.

Kulaje 5:30

Lubba lə kajeje arə Jeju kə̂ ə-bbəreje dɔ kakə-dəsə tə̂ ə-tɔlɛ̂je le ndol.

1 Kɔrɛntinyɛje 15:4

N̂-dubbe dda ndɔ mota a, n̂-ndol tokə makəturu lə Lubba pa le.