Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kulaje 11:27 - Dɔnɔn kə̂ Siki: Tar kə̂ aw arə təbbə

27 Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

အခန်းကိုကြည့်ပါ။ ကော်ပီ

Maketuru le Lubba ke tar kabba

27 Dɔ ndɔe teenn, mare nje-kilaje mber-tar le Lubba inje Jurusalam awje bbe te ke Antiyose.

အခန်းကိုကြည့်ပါ။ ကော်ပီ




Kulaje 11:27
19 ပူးပေါင်းရင်းမြစ်များ  

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.


Mba yeenn bba Lubba pa tar ddəw kəm-karɛ tə̂ laa nan: ‹Mâ kula njê-kilaje mbər tar kə njê-kaw-kulaje karəde. Dâ tɔl marɛ̂je ngaâ dâ kula kəm marɛ̂je ndoo tə̂.›


A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.


Njê-mə-kunnje kə̂ Egilisi tə̂ kə̂ Jerujalɛm ooje tar nəənn le ngaâ ulaje Barnabas Antiyos.


Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.


Lo tə̂ənn, dunnje tɔkə to mba təl Antiyos nangə tə̂ kə̂ Siri. Antiyos le â njê-mə-kunnje inyajede kə tə̂ ji Lubba tə̂ kete mba karə Lubba dda kə de mə-maji arə n̂-ddaje kula kə̂ n̂-ddaje n̂-tungaje nəənn le.


Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.


Pɔl, Barnabas, Judə kə Silas, dɔtuje dawje Antiyos ngaâ n̂-mbɔnje njê-mə-kunnje darəde makəturu le.


Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.


N̂-tee Sejare a, naw dda lapiya njê-mə-kunnje kə̂ Jerujalɛm ngaâ n̂-nday naw Antiyos.


‹Lubba pa nan: ddutu ndɔ a, mâ sanrɛ Ndil ləm dɔ dəwje tə̂ tɔyn, ngannse kə̂ dingaw kə ngannse kə̂ dɛnɛ̂n a təlje to njê-kilaje mbər tar ləm, ngann basanje ləse a kooje nɛ̂n tokə lə nin, bbukaje ləse a ninje.


N-nayn lo tə̂ənn le ndɔ siri mba jinga njê-mə-kunnje lo tə̂ənn. Ndil-mə-nda ula njê-mə-kunnje le arə n̂-paje darə Pɔl karə naw Jerujalɛm ang.


Ngannɛ̂ kə̂ dɛnɛ̂n eeje sɔ kə̂ gərəje ngaw ang bbay ngaâ aw ilaje mbər tar lə Lubba.


Dəwje kə̂ mbɔnje naan le tɔyn ndikije tar tə̂ kə̂ njê-kaw-kulaje paje arəde le. Yeenn bba, dəwje kə̂ n̂-mbərəde to Etiyɛnn kə̂ mə-kunn ddəm Ndil-mə-nda ddəm dduse, Pilipi, Porokɔr, Nikanɔr, Timɔn, Parmenas kə Nikola kə̂ to dəw kə̂ Antiyos kə̂ aw bbəəl Lubba lə Mɔyijə.


Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.


Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.


Njê-kilaje mbər tar lə Lubba ɔnje dɔ gusu kila mbər tar kə̂ Ndil arəde le.


A kar kə̂ Piyɛr ddee Antiyos a, min saa kəm dəwje tə̂ tɔyn, mba n̂-dda nɛ̂n kə dɔgɔlɛ̂ ang.


Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ