Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kulaje 11:26 - Dɔnɔn kə̂ Siki: Tar kə̂ aw arə təbbə

26 Ningɛ̂ a, n̂-ddee saa Antiyos. N̂-ddaje bbal kâra Egilisi tə̂ kə̂ Antiyos ngaâ n̂-tɔjuje nɛ̂n dəwje nya nya. Bbe tə̂ kə̂ Antiyos â dəwje unn kutu bbar ri njê-njaje go Jeju tə̂ to «dəwje lə Kristə.»

အခန်းကိုကြည့်ပါ။ ကော်ပီ

Maketuru le Lubba ke tar kabba

26 Toke ningae a, n̂-ddee saa Antiyose. N̂-ddaje bbal kara Egilisi te ke Antiyose ngaa n̂-tɔjuje ne dewje ke kɔrde banya banya. Bbe te ke Antiyose a dewje unn kutu bbar ri nje-njaje go Jeju te to keretiyenje.

အခန်းကိုကြည့်ပါ။ ကော်ပီ




Kulaje 11:26
34 ပူးပေါင်းရင်းမြစ်များ  

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.


Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:


A marɛ̂je horode tə̂ kə̂ gəlde to dəwje kə̂ Sipərə kə dəwje kə̂ Sirɛnn ddeeje bbe tə̂ kə̂ Antiyos a, paje Tar kə̂ Maji lə Əbbə-dəwje Jeju arə dəwje kə̂ aw paje ndɔn-tar gɛrɛkə tɔ.


Njê-mə-kunnje kə̂ Egilisi tə̂ kə̂ Jerujalɛm ooje tar nəənn le ngaâ ulaje Barnabas Antiyos.


Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.


Njê-njaje go Jeju tə̂ ooje ta naan karə dəw kâra kâra unn nɛ̂n kə̂ asə singɛ̂ mba kula nɛ̂n karə duman nɛ̂n njê-mə-kunnje kə̂ Jude.


A kar kə̂ njê-njaje go Əbbə-dəwje tə̂ ddeeje gukuje dɔɛ̂ a, nin taar n̂-təl nandə mə bbe tə̂ le. Lo arɛ a, ne de kə Barnabas dawje Dɛrbə.


Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»


Mə Egilisije tə̂ tɔyn kə̂ n̂-teeje tə̂, n̂-dda marə njê-mə-kunnje to dəwje kə̂ dɔ Egilisi tə̂ le, dɔkuje rɔde nɛ̂n-kusa, n̂-dujuje Lubba dɔde tə̂ ngaâ dinyajede ji Əbbə-dəwje tə̂ kə̂ dunda mə-kunn ləde dɔɛ̂ tə̂ le.


Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.


Pɔl de kə Barnabas n̂-naynje kə njê-mə-kunnje kə̂ Antiyos le gode əw ngaji.


Goe tə̂ a, Apolos le ndiki ta kaw Akay. Njê-mə-kunnje ndikije tə̂ saa ngaâ n̂-ddaje makəturu darə njê-mə-kunnje kə̂ Akay le karə n̂-tɛɛ̂je kə rɔde tə̂ kə majɛ̂. N̂-tee nu a, Lubba dda saa mə-maji arə numan njê-mə-kunnje nya,


A mə marɛ̂je kətərə ngaâ n̂-ndikije tar tə̂ lə Pɔl le ang. Darje kə kəm dəwje tə̂ kə̂ banya le njaa daw paje tar «ddəw lə Əbbə-dəwje» daw kokoje nɛ̂n. Yeenn bba, Pɔl tusude inyade, a mbɔn kəsə njê-njaje go Əbbə-dəwje tə̂ aw kə de kəy nɛ̂n-ndo tə̂ lə Tiranos aw pa tar arəde kə ndɔ kə ndɔ.


Tar le gayn a, Pɔl bbar njê-mə-kunnje ndəjəde karə dinga singa, n̂-ddade lapiya ngaâ nunn ddəw kə̂ Maseduwann.


Marə njê-ngəmje a kinje horose tə̂ njaa ta dda karə marə njê-mə-kunnje unnje gode.


N-nayn lo tə̂ənn le ndɔ siri mba jinga njê-mə-kunnje lo tə̂ənn. Ndil-mə-nda ula njê-mə-kunnje le arə n̂-paje darə Pɔl karə naw Jerujalɛm ang.


Agiripa pa arə Pɔl nan: «Oo to â dda karə m-ddee to dəw lə Kristə kə ngɔru baa be wa?»


Dɔ ndɔɛ̂ tə̂ənn, kɔr njê-njaje go Jeju tə̂ aw kə kete kete. Jiipije kə̂ aw paje ndɔn-tar gɛrɛkə aw əmje rɔde kə ri dede kə̂ n̂-toje to Ebərəje. Mba kə ndɔ tɔyn bbo Ebərəje le aw kaynje nɛ̂n-kusa dɛnɛ̂n-ndubbaje a, dɔruje kəm dɛnɛ̂n-ndubbaje ləde.


Dəwje kə̂ mbɔnje naan le tɔyn ndikije tar tə̂ kə̂ njê-kaw-kulaje paje arəde le. Yeenn bba, dəwje kə̂ n̂-mbərəde to Etiyɛnn kə̂ mə-kunn ddəm Ndil-mə-nda ddəm dduse, Pilipi, Porokɔr, Nikanɔr, Timɔn, Parmenas kə Nikola kə̂ to dəw kə̂ Antiyos kə̂ aw bbəəl Lubba lə Mɔyijə.


Nusa nɛ̂n ngaâ n̂-təl ninga singa. N̂-dda ndɔ ngaji rɔ njê-njaje go Jeju tə̂ bbe tə̂ kə̂ Damas


Njê-njaje go Jeju tə̂ kə̂ eeje bbe tə̂ kə̂ Jope ooje nan Piyɛr ee bbe tə̂ kə̂ Lida kə̂ əw kə Jope ang. Yeenn bba, dulaje dəwje joo darə Piyɛr le nan: «N-wali nya, ə-ddee njangə rɔje tə̂ bba.»


Dɔngɔr nɛ̂n â nəənn: Moo nan bbo aw mbɔnje naan a, tin-naan to horose tə̂. Moo a, to tar ngəm tɔyn ang.


Junnje nɛ̂n-kɔju-marɛ̂. Da-rɔ dəw kâra baa, a barkəm-rɔ dəw â banya. Barkəm-rɔ kə̂ dang dang le mbɔnje naan ngaâ toje kâra baa. Nɛ̂ɛnn to ddəw kâra baa kə Kristə.


Bbo njê-mə-kunnje tɔyn uwaje dɔ naan lo tə̂ kâra baa ngaâ dede tɔyn daw paje ndɔn-tarje kə̂ dang dang ngaâ bbo dəwje kə̂ baa wase dəwje kə̂ ooje məde tə̂ ang aw ingade a, dâ koode to njê-wooyje ang wa?


Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.


Ne â gəl nɛ̂nje tɔyn kə̂ mə dara tə̂ kə dɔ nangə tə̂ inje rɔɛ̂ tə̂.


Dede njaa daw tujuje ri kə̂ maji kə̂ dunda dɔse tə̂ ang wa?


Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.


A bbo dəw oo ndoo mba ddee kə̂ n̂-ddee to dəw lə Kristə a, narə rɔ-kul ddɛɛ̂ ang. Maji karə nɔsu gaji Lubba mba ri Kristə kə̂ to dɔɛ̂ tə̂ le.


A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.


Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ