Kulaje 1:13 - Dɔnɔn kə̂ Siki: Tar kə̂ aw arə təbbə

¹³ N̂-teeje Jerujalɛm a, daalje dawje mə kəy tə̂ kə̂ to dɔ marɛ̂ tə̂ taar kə̂ to lo mbɔn-naan ləde. Dəwje kə̂ eeje tə̂ənn to Piyɛr, Jan, Jakə de kə Andere, Pilipi de kə Toma, Bartelemi de kə Matiye, Jakə ngonn lə Alpe, Simɔn kə̂ daw bbarɛ̂ nan Jelotə kə Judə ngonn lə Jakə.

Maketuru le Lubba ke tar kabba

¹³ Toke n̂-teeje Jurusalam a, daalje dawje me key te ke to dɔ mare te taar ke to lo mbɔ-naa lede. Dewje ke eeje teenn to Piyar, Jan, Jake de ke Andere, Pilipi de ke Toma, Bartelemi de ke Matiye, Jake ngonn le Alpe, Simɔ ke daw n̂-bbare to Jelote, ke Jude ngonn le Jake.

Kulaje 1:13 ပူးပေါင်းရင်းမြစ်များ

Matiye 9:9

Jeju in lo tə̂ənn le aw ɔtu a, noo marə dingaw kə̂ daw bbarɛ̂ nan Matiye kə̂ isi lo taa narɛ lambo tə̂. Jeju pa arɛ̂ nan: «Unn gom.» Matiye le in taar ngaâ unn goe.

Marke 14:15

Nje-kəy le a tɔjuse marə lo kə̂ tatə kə̂ n̂-gɔl tokə kete mban dɔ kəy tə̂ taar. Nɛ̂nje tɔyn to məɛ tə̂. Ə-ddaje nɛ̂n-kusa arəjeje lo tə̂ənn le.»

Marke 14:33

N̂-jin Piyɛr, Jakə, de kə Jan naw kə de. Bbəəl unn kutu kuta dɔɛ̂ ngaâ rɔɛ̂ nəəle ang.

Marke 2:14

Kar kə̂ naw nday a, noo Lebi ngonn lə Alpe kə̂ isi lo taa narɛ lambo tə̂. Jeju pa arɛ̂ nan: «Unn gom.» Lebi le in taar ngaâ unn goe.

Marke 5:37

Piyɛr kə Jakə de kə ngokɔɛ̂n Jan â narə dannɛ̂je a bbayɛ̂, bbo marə dəw dang ang.

Marke 9:2

Ndɔ misan goe tə̂ a, Jeju jin Piyɛr, Jakə kə Jan ngaâ aw kə de dɔ ddingiri tə̂ kə karəde baa. Jeju turu to dang kəmde tə̂.

Luku 22:12

A nâ tɔjuse marə mə kəy kə̂ tatə kə̂ n̂-gɔl tokə kete mban kə̂ to dɔ marɛ̂ tə̂ taar. Nɛ̂nje tɔyn to məɛ tə̂. Ə-ddaje nɛ̂n-kusa arəjeje lo tə̂ənn le.»

Tar kə̂ Maji kə̂ Jan dda makəturu tə̂ 11:16

Yeenn ngaâ Toma kə̂ daw bbarɛ̂ nan «Ndunga» pa arə kəsə njê-njaje go Jeju tə̂ nan: «Jeje kara, jawje ta joyje kə Jeju tɔ.»

Tar kə̂ Maji kə̂ Jan dda makəturu tə̂ 14:22

Judə, kə̂ to dang kə Judas Iskariyotə duju Jeju nan: «Əbbə-dəwje, â tɔju rɔi karəje a kinya dəwje kə̂ duninya tə̂ tokə baânn wa?»

Tar kə̂ Maji kə̂ Jan dda makəturu tə̂ 18:17

Dɛnɛ̂n kə̂ aw ngəm ta-kəy le pa arə Piyɛr nan: «Əi kara ə-to marə nje-nja go dingaw tə̂ nəənn ang wa?» Piyɛr ilɛ̂ tə̂ nan: «M-to nje-nja goe tə̂ ang.»

Tar kə̂ Maji kə̂ Jan dda makəturu tə̂ 21:2

Simɔn Piyɛr kə Toma kə̂ daw bbarɛ̂ nan Ndunga, Natanayɛl dəw kə̂ Kana, nangə tə̂ kə̂ Galile, ngann lə Jebede kə marə njê-njaje go Jeju tə̂ joo, dede tɔyn disije dɔ naan tə̂.

Kulaje 12:17

N̂-dda jia narəde karə n̂-paje tar ang ngaâ nɔru gəl gusu kə̂ Əbbə-dəwje ɔrɛ̂ nɛ̂n kə ddang kəy-kula tə̂ le. Ta kutu nɛ̂n dɔ tar laa a, n̂-pa nan: «Aw paje tar nəənn arəje Jakə kə kəsə njê-mə-kunnje.» Goe tə̂ a, nɔtu ngaâ nunn ddəw naw kə marə lo tə̂ dang.

Kulaje 15:13

N̂-paje tar n̂-tungaje a, Jakə pa nan: «Ngakɔnʼmje, ooje tar ləm.

Kulaje 2:14

Yeenn ngaâ Piyɛr in ar taar, ne kə njê-kaw-kulaje kə̂ dɔku gire kâra le ngaâ n̂-pa kə taar nan: «See dəwje kə̂ Jude kə sese tɔyn kə̂ isije Jerujalɛm, maji karə ooje nɛ̂nje nəənn kə majɛ̂ ta ə-tukaje mbise ooje nɛ̂n tar ləm.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:8

Lambeje toje nya mə kəy tə̂ kə̂ to dɔ marɛ̂ tə̂ taar kə̂ n-mbɔn naan tə̂ le.

Kulaje 4:13

Njê-gangəje sariya lə Jiipije ooje Piyɛr de kə Jan kə̂ n̂-toje to dəwje kə̂ baa ddəm dəwje kə̂ gərəje makəturu ang ddəm kə̂ aw paje tar kə bbəəl ang le a, dɔde ayn. A n̂-gɔnje n̂-gərəje tɔ to n̂-toje to njê-buwa-njaje lə Jeju.»

Kulaje 4:19

A Piyɛr de kə Jan dilaje tə̂ nan: «Ddi â to gatə gatə kəm Lubba tə̂ wa? Koo tase wase koo ta Lubba wa? To tar ləse karə ujaje kəmɛ̂!

1 Kɔrɛntinyɛje 15:7

Goe tə̂ a, n̂-tee ninga Jakə ngaâ ninga njê-kaw-kulaje tɔyn.

Galatəje 1:19

Karɛ̂ tə̂ənn, moo marə nje-kaw-kula dang ang. Bbayɛ̂ njaa to Jakə ngokɔn Əbbə-dəwje â mooe.

Galatəje 2:9

Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

2 Jan 1:1

Əman tɔkə le, m-dda makəturu nəənn mari, əi kɔn-baay kə̂ Lubba bbari kə ddaka ddəm marə nganni kə̂ m-ndikide kə ndiki kə tɔkɔrɔ ddəm. Əman kə karəm baa ang. Dəwje tɔyn kə̂ gərəje tar kə̂ tɔkɔrɔ ndikise tɔ,

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.