8 Əman njaa m-ndiki tə̂ ta kulɛ̂ karəse karə n̂-pa tar kə̂ dɔje tə̂ narəse karə arəse singa.
Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.
Naw wul məje mə nɛ̂n kəm-to-ndooje tə̂ kə̂ aw ingaje, karə ddəw məje tə̂ kə̂ n̂-wul le, jasəje ta wul mə dəwje tɔyn kə̂ nɛ̂n kəm-to-ndooje dang dang aw ingade tɔ.
M-duju Titə nya karə aw rɔse tə̂, ne kə marə ngokɔnje kâra. Titə le ərəse usase wa? Əman je saa joo kəm n-dda nɛ̂n kə kəjə kə̂ kâra baa ddəm junn ddəw kə̂ kâra baa ddəm.
Mba yeenn bba, maji karə ɔruje tar dɔɛ̂ tə̂ ngaâ arɛ̂je ndəjə arə məɛ̂ wul. Baann ang a, â ddaje karə rɔɛ̂ nəəle ang uta dɔɛ̂.
M-gərə kə majɛ̂ njaa bba mulɛ̂ marəse karə n̂-pa tar dɔ kisi tə̂ ləje narəse ddəm karə n̂-pa tarje kə̂ a karəse singa ddəm narəse.
Yeenn a, mulɛ̂ kə ngɔru marəse karə ta ooeje a, isije kə rɔ-nəəl ngaâ karə əman kara wurum oso nangə̂ bbəəl.
M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.
Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.
Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.
Mba yeenn bba, m-tɔ wurum pin le ngaâ, mula Timɔte karə aw oo tar dɔ mə-kunn tə̂ ləse. M-bbəəl mba karə Əsu in nanse arə kulaje ləje ddee to nɛ̂n kə̂ baa.
Yeenn a, maji karə ə-ndəjəje naan kə tarje nəənn bba karə ubbaje singa.
Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.
Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.
n̂-ddaje darə ubbaje singa ngaâ darəse singa dda nɛ̂nje tɔyn kə̂ maji ddəw kulaje tə̂ tɔyn kə̂ aw ddaje ddəm ddəw tarje tə̂ tɔyn kə̂ aw paje ddəm.