Kolosinyɛje 3:8 - Dɔnɔn kə̂ Siki: Tar kə̂ aw arə təbbə

⁸ A bbasinɛn nəənn, maji karə inyaje nɛ̂njeenn tɔyn. Nɛ̂nje kə̂ tokə: Wungu, rɔ-katə, mə-majang, nɛ̂n-tajije, tar mbəje kə̂ aw tee tase tə̂.

Kolosinyɛje 3:8 ပူးပေါင်းရင်းမြစ်များ

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Marke 7:22

dda lo-to-majang, dda bbo nɛ̂n-kinga, məɛ̂ aw maji ang. Naw nula dəwje naan tə̂, naw dda nɛ̂n kə̂ to kə dɔgɔlɛ̂ ang, naw nunda mə kə dəw, naw nanɛn kə dəw, noo rɔɛ̂ bo ngaâ naw dda nɛ̂n-mbə.

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

Galatəje 5:15

A bbo aw tɔnje naan ngaâ aw tiirje naan a, aaje kə majɛ̂ nan â tujuje naan.

Galatəje 5:20

polo kɔr, maal, ndiki naan ang, koo-ta-naan ang, kunda-mə, dda wungu, nɛ̂n-dda kə̂ ta kuta nɛ̂n naan, kar go marə dəw tə̂ a kinya marɛ̂, tin-naan,

Galatəje 5:26

Maji karə boro uta dɔje ang, n-ngaan naan ang, jundaje mə kə naan ang.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 4:26

Bbo wungu ɔnse a, ə-ddaje majang ang, arəje lo ndul dɔ wungu tə̂ le ang.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Epɛjinyɛje 5:4

Maji karə tar mbəje wase tar kə̂ asə pa ang kə tar rɔ-kul tee tase tə̂ ang. To nɛ̂nje kə̂ karə ə-ddaje ang. A wooyo â ta arəje Lubba.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

Kolosinyɛje 3:9

Maji karə ə-paje tar ngəm arəje naan ang ngaa, mba ɔruje da-rɔ kə̂ ləw kə nɛ̂n-ddaje laa ilaje kɔrɔ̂ tokə lə bar kubbu mban.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 1:20

Imene de kə Alɛkəjandərə deeje horo dəwje tə̂ənn le. Minyade mə ji Satan tə̂ karə ta n̂-ndoje ta təl taji Lubba ang ngaa.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Jakə 2:7

Dede njaa daw tujuje ri kə̂ maji kə̂ dunda dɔse tə̂ ang wa?

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

2 Piyɛr 2:7

A naji Lotə kə̂ to nje-nɛ̂n-dda kə̂ gatə gatə. Dəwje kə̂ dɔ ndɔ tə̂ lə Lotə le, pa-nja ləde kə̂ to kə dɔgɔlɛ̂ ang kə lo-to-majang kə̂ daw dda le oso wur Lotə le nya.

Judə 1:13

Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.

Judə 1:8

Dəwje kə̂ andəje horose tə̂ənn le ddaje nɛ̂n tokə baann tɔ. Daw dəjəje nɛ̂nje kə̂ to kə dɔgɔlɛ̂ ang, daw tujuje rɔde, dooje kɔn-mbay lə Lubba to nɛ̂n kə̂ baa ngaâ n̂-tajije anjəje kə̂ asəje karə dəwje pitijede.

Apokalisi 16:9

Puru kar kə̂ tunga nya le ɔn dəwje le. N̂-tajije ri Lubba kə̂ ee kə singa dɔ nɛ̂n kəm-to-ndooje tə̂ nəənn tɔyn le. A n̂-turuje məde mba kɔsu gajɛ̂ ang.