Kolosinyɛje 3:5 - Dɔnɔn kə̂ Siki: Tar kə̂ aw arə təbbə

⁵ Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

Kolosinyɛje 3:5 ပူးပေါင်းရင်းမြစ်များ

Matiye 15:19

Mba kəjəje kə̂ maji ang aw inje bbəngərə dəw tə̂: Tɔl dəw, lo-to-majang, dda kaya, bboko, tar-naji kə̂ to kə dɔgɔlɛ̂ ang, nanɛn kə naan.

Rɔmɛnje 1:26

Mba yeenn bba, Lubba tusude inyade arə n̂-ddaje nɛ̂nje kə̂ bboe uta dɔde kə̂ aw arəde rɔ-kul. Dɛnɛ̂nje ləde inyaje dingawje, a dɛnɛ̂n marədeje â aw ddaje lo-to-majang kə de. Yeenn to nɛ̂nje kə̂ dəw asə ta dda ang.

Rɔmɛnje 1:29

Nɛ̂nje kə̂ gatə gatə ang, majang, mə-majang kə kəm-nda uta dɔde. Mə uta dɔde, n̂-toje to njê-tɔlje dəwje, n̂-toje to dəwje kə̂ ndikije kɔl. N̂-toje to njê-kərəje njê-marədeje, daw ddaje nɛ̂n to ngar, daw paje tar kə̂ ddəkərə dɔ njê-marədeje tə̂.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:6

N-gərəje kə majɛ̂ to da-rɔ nɛ̂n-dda kə̂ maji ang le oy kə Kristə dɔ kakə-dəsə tə̂ mban. Yeenn a, bbo kə̂ da-rɔje tə̂ oy mban ngaa arə ja naynje to bbərəje le majang ang ngaa.

Rɔmɛnje 7:23

A moo marə ndu kə̂ dang da-rɔm tə̂ kə̂ aw dda ddɔ kə nɛ̂n kə̂ nɛ̂n-gərə ləm tɔjum arə m-ndiki tə̂. Nɛ̂n le ddam arə m-ddee to bbərə lə singa-mɔngu lə majang kə̂ to məm tə̂.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

1 Kɔrɛntinyɛje 5:1

Dəwje aw paje kə lo tɔyn nan kaya aw to horose tə̂. Dəwje kə̂ gərəje Lubba ang kara ddaje nɛ̂n baann ang. Moo nan marə dəw taa dɛnɛ̂n lə bɔɛ̂je.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

1 Kɔrɛntinyɛje 6:13

Ə-paje nan: «Nɛ̂n-kusa to mba mə dəw ngaâ mə dəw to mba nɛ̂n-kusa.» Tɔkɔrɔ njaa, a Lubba a tujude joo kəm. A da-rɔ dəw to mba kaya ang. Da-rɔ dəw to mba Əbbə-dəwje ngaâ Əbbə-dəwje to mba da-rɔ dəw.

1 Kɔrɛntinyɛje 6:18

Aynje kaya. Kəsə nɛ̂nje kə̂ maji ang tɔyn kə̂ dəw aw dda to ddaka bbo to da-rɔɛ̂ tə̂ ang. A dəw kə̂ dda kaya, dda maji ang kə da-rɔɛ̂ ne njaa.

2 Kɔrɛntinyɛje 12:21

M-bbəəl mba kin karə maw ta koose kə̂ guku a, Lubba ləm ila rɔ-kul kəmʼm tə̂ nɔnse tə̂. Ngaâ, karə m-nɔn, mba dəwje nya horose tə̂ kə̂ naynje ddəw majang tə̂ tokə ye kə̂ ləw, ddəw nɛ̂n-yərəwje tə̂, ddəw kaya tə̂ kə ddəw lo-to-majang tə̂.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Epɛjinyɛje 4:19

Kəjə ləde maji ang. Dunnje rɔde dila kula-ddaje tə̂ kə̂ maji ang. Daw ddaje kaya dawje nɛ̂n kə kete kete.

Kolosinyɛje 2:11

Ddəw tə̂ laa, ujaje ganja kə̂ dəw â aw uja ang. To ganja lə Kristə â ujaje. Ganja lə Kristə le ɔru bbo nɛ̂n-dda kə̂ maji ang kə̂ to da-rɔje tə̂ kə ddang.

1 Tesalonisinyɛje 4:3

Nɛ̂n kə̂ Lubba ndiki â to, karə ə-sangəje rɔse mba Lubba, karə ulaje rɔse kaya tə̂ ang.

1 Tesalonisinyɛje 4:5

Arəje bbo kə̂ da-rɔ tə̂ dɔrɔ â ddase tokə aw dda dəwje kə̂ gərəje Lubba ang le ang.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

Ebərəje 12:16

Aaje kə majɛ̂ arəje marə dəw kâra horose tə̂ ddee to nje-kaya ang ddəm oo nɛ̂nje kə̂ dunda dang mba Lubba kəmɛ̂ tə̂ to nɛ̂n kə̂ baa ang ddəm tokə Ejawu kə̂ duje dɔngɔr, a unn tɔkə laa le labbə mba nɛ̂n-kusa kə̂ ka tə̂ kâra be le ang.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

Ebərəje 13:5

Maji karə bbo narɛ dɔrɔ â to mə nɛ̂n-ddaje tə̂ ləse ang. Maji karə undaje məse kə dɔ nɛ̂n tə̂ kə̂ to jise tə̂ njaa. Mba Lubba pa nan: «Mâ kinyai ang ddəm mâ mbəti ang ddəm.»

Jakə 4:1

Ddɔje kə kɔlje kə̂ toje horose tə̂ inje dda wa? Dinje mə bbo nɛ̂nje tə̂ kə̂ to məse tə̂ ngaâ aw ddaje ddɔ rɔse tə̂.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.