Kolosinyɛje 3:4 - Dɔnɔn kə̂ Siki: Tar kə̂ aw arə təbbə

⁴ Kar kə̂ Kristə kə̂ to təbbə le unda lo tee a, sese kara â kundaje lo tee saa tɔ ta kinga piti laa saa.

Kolosinyɛje 3:4 ပူးပေါင်းရင်းမြစ်များ

Matiye 13:43

A kar tə̂ənn, dəwje kə̂ toje gatə gatə kə Lubba a ndokoje tokə lə kar mə Bbe-kɔn tə̂ lə Bɔdede. Dəw kə̂ mbia to a, maji karə oo tar nəənn!»

Luku 17:30

Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.

Tar kə̂ Maji kə̂ Jan dda makəturu tə̂ 11:25

Jeju pa arɛ̂ nan: «M-to ndol lə dəwje kə̂ oyje ddəm m-to təbbə ddəm. Dəw kə̂ unn məɛ̂ arəm a, le noy kara nâ kisi kəm baa.

Tar kə̂ Maji kə̂ Jan dda makəturu tə̂ 14:3

Bbo maw dda lo marəse a, mâ təl ddee kotose karə lo kə̂ mee tə̂ a, sese kara eeje tə̂ tɔ.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Kulaje 3:15

Dəw kə̂ nje-karə təbbə kə̂ ə-tɔlɛ̂je le, Lubba ndole arə n-to njê-tar-naji nɛ̂ɛnn le.

Rɔmɛnje 8:18

Moo a, piti kə̂ Lubba a tɔjuje kə ddaka ndɔ tə̂ kə̂ aw ddee a kuta ndoo kə̂ jaw jooje bbokənɛn nəənn.

Rɔmɛnje 8:19

Nɛ̂nje tɔyn kə̂ Lubba dda aw nginanje kar kə̂ Lubba a tɔju nɛ̂n ngannɛ̂ kə̂ ddaka.

1 Kɔrɛntinyɛje 1:7

Yeenn bba nɛ̂n-karə-baa lə Lubba kâra duse ang, see njê kə̂ aw ngəbbəje ndɔ təl lə Əbbəjeje Jeju-Kristə le.

1 Kɔrɛntinyɛje 15:43

Rɔ kə̂ n̂-dubbu le to ndoo, a rɔ kə̂ a ndol le to nɛ̂n piti. Rɔ kə̂ n̂-ndubbu le ubba singa ang, a rɔ kə̂ a ndol le ubba singa.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

1 Tesalonisinyɛje 4:17

Goe tə̂ a, jeje kə̂ ja n-naynje kəm baa bbay le, dâ kotoje kə de kâra baa mə mum tə̂, ta kaw kinga nɛ̂n Əbbə-dəwje mə dara tə̂. Yeenn ngaâ ja naynje kə Əbbə-dəwje kə ndɔ kə ndɔ.

1 Timɔte 6:14

Maji karə ə-ngəm ndu le arə nɛ̂n-yərəw ɔri ang. Arə tar to dɔi tə̂ ang ndərəng ndɔ təl lə Əbbəjeje Jeju-Kristə.

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

1 Jan 5:12

Dəw kə̂ ee kə Ngonn le a, ee kə təbbə. Dəw kə̂ ee kə Ngonn le ang a, ee kə təbbə ang tɔ.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.