Kolosinyɛje 3:24 - Dɔnɔn kə̂ Siki: Tar kə̂ aw arə təbbə

²⁴ Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.

Kolosinyɛje 3:24 ပူးပေါင်းရင်းမြစ်များ

Matiye 10:41

Dəw kə̂ taa nje-kila mbər tar lə Lubba kə rɔɛ̂ tə̂, mba dəw kə̂ n̂-tɛɛ̂ le to nje-kila mbər tar lə Lubba a, nâ kinga kuka kə̂ nje-kila mbər tar lə Lubba aw inga. A bbo dəw taa dəw kə̂ gatə gatə kə rɔɛ̂ tə̂, mba dəw kə̂ n̂-tɛɛ̂ le to dəw kə̂ gatə gatə a, nâ kinga kuka kə̂ dəw kə̂ gatə gatə aw inga.

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Matiye 5:46

Bbo njê kə̂ ndikise dɔrɔ bba ə-ndikijede a, kuka ddi bba â kingaje ji Lubba tə̂ wa? Njê-taaje narɛ lambo kara ddaje tokə baann tɔ.

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 14:18

Dəw kə̂ dda kə Kristə kə ddəw kə̂ tokə baann a, nəəl kəm Lubba tə̂ ddəm dəwje piteje ddəm.

1 Kɔrɛntinyɛje 11:23

Nɛ̂n kə̂ moo ta Əbbəmje tə̂ ngaâ m-tɔjuse â nəənn: Əbbə-dəwje Jeju unn mapa tile tə̂ kə̂ n̂-labbɛ̂ nɛ̂n le,

1 Kɔrɛntinyɛje 3:8

Dəw kə̂ nje-dubbu nɛ̂n kə dəw kə̂ nje-kungu maann dɔɛ tə̂, dasəje naan. Dâ kinga kuka ləde kâra kâra asə kəm kula kə n̂-ddaje.

1 Kɔrɛntinyɛje 7:22

Mba dəw kə̂ to bbərə bba Əbbə-dəwje bbarɛ̂ ddee to dəw lə Əbbə-dəwje kə̂ tee kɔ bbərə tə̂. Ddəw kâra baa, dəw kə̂ to bbərə ang bba Əbbə-dəwje bbarɛ̂ ddee to bbərə lə Kristə.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Epɛjinyɛje 6:6

Ə-ddaje kə de baann mba nəəl nɛ̂n kəmde tə̂ ang. A ə-ddaje tokə bbərəje lə Kristə kə̂ unnje rɔde tɔyn ta dda nɛ̂n nɛ̂n kə̂ mə Lubba ndiki.

Epɛjinyɛje 6:8

Ə-gərəje kə majɛ̂: Dəw kə̂ to bbərə wase dəw kə̂ to bbərə ang kara a kinga kuka ji Əbbə-dəwje tə̂ asə kəm maji laa kə̂ n̂-dda.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

Ebərəje 10:35

Yeenn a, məse kə̂ undaje le, maji karə ə-tusuje inyaje ang. Mba kuka kə̂ bo nya to ddəwe tə̂.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 1:4

ta kinga nɛ̂nje kə̂ Lubba ngəm mba dəwje laa. To nɛ̂nje kə̂ a tujuje ang ddəm nɛ̂n-yərəw a kɔru ang ddəm ndoko ləde a goto ang ddəm. Lubba ngəm nɛ̂nje le arəse darâ,

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.