Kolosinyɛje 3:22 - Dɔnɔn kə̂ Siki: Tar kə̂ aw arə təbbə

²² Bbərəje, maji karə ooje ta əbbəsese kə̂ dɔ nangə tə̂ nəənn mə nɛ̂n tə̂ tɔyn. Ə-ddaje baann mba kunda kə̂ daw dundaje kəmde dɔse tə̂ bba ta nəəl nɛ̂n kəmde tə̂ ang. Ə-ddaje kula arəjede kə mə ngonn-kasə tokə dəwje kə̂ aw bbəəlje Əbbə-dəwje.

Kolosinyɛje 3:22 ပူးပေါင်းရင်းမြစ်များ

Matiye 6:22

«Kəm dəw to tokə lambe kə̂ da-rɔɛ̂ tə̂. Bbo kəmi to kə majɛ̂ a, da-rɔi tɔyn njaa a to dann lo-karɛ tə̂.

Matiye 8:9

Mba əman, marə dəw aw ɔn dɔm ngaâ mɔn dɔ marə mbambaje tɔ. Bbo munn ndu marə marɛ̂ m-pa nan: ‹Aw!› A naw. Bbo munn ndu marə marɛ̂ m-pa nan: ‹Ə-ddee!› A n̂-ddee. Munn ndu marə nje-kula ləm m-pa nan: ‹Ə-dda nɛ̂n kə̂ be!› A n̂-dda.»

Luku 6:46

«Mba ddi bba aw bbarəmje: Əbbə-dəwje, Əbbə-dəwje! A ə-ddaje nɛ̂n kə̂ maw pa marəse ang wa?

Luku 7:8

Mba əman, marə dəw aw ɔn dɔm ngaâ mɔn dɔ marə mbambaje tɔ. Bbo munn ndu marə marɛ̂ m-pa nan: ‹Aw!› A naw. Munn ndu marə marɛ̂, m-pa nan: ‹Ə-ddee!› A n̂-ddee. Munn ndu marə nje-kula ləm, m-pa nan: ‹Ə-dda nɛ̂n kə̂ be!› A n̂-dda.»

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Kolosinyɛje 3:20

Ngannje, ooje ta njê-kujuse mə nɛ̂nje tə̂ tɔyn. Yeenn to nɛ̂n kə̂ kura kə̂ Əbbə-dəwje ndiki karə ə-ddaje.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.

Pilemɔn 1:16

Mba bbasinɛn nəənn, n̂-to bbərə baa ang ngaa. Nuta bbərə ngaa, n̂-to ngokɔnje kə̂ n-ndike nya. Əman m-ndike nya. A əi, maji karə ə-ndiki utam bbay, ə-ndike to dəw njaa ddəm to dəw kə unn məɛ̂ arə Əbbə-dəwje ddəm.