Kolosinyɛje 3:16 - Dɔnɔn kə̂ Siki: Tar kə̂ aw arə təbbə

¹⁶ Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

Kolosinyɛje 3:16 ပူးပေါင်းရင်းမြစ်များ

Matiye 26:30

Dɔsuje pa wal Lubba ngaâ n̂-teeje dawje dɔ ddingiri Olibəje tə̂.

Luku 2:51

Goe tə̂ a, n̂-tee naw kə de Najarɛtə. Noo tade. Kɔɛ̂nje ngəm nɛ̂njeenn tɔyn məɛ̂ tə̂.

Tar kə̂ Maji kə̂ Jan dda makəturu tə̂ 15:7

Bbo ə-naynje rɔm tə̂ ngaâ tarje ləm naynje məse tə̂ a, ə-dujuje nɛ̂n tɔyn kə̂ ə-ndikije a, â kingaje nɛ̂n le.

Rɔmɛnje 10:17

Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

1 Kɔrɛntinyɛje 14:15

Yeenn a, ddi â mâ dda wa? Mâ duju Lubba kə ndilim, a mâ duju Lubba kə nɛ̂n-gərə ləm tɔ. Mâ kɔsu pa kə ndilim, a mâ kusa pa kə nɛ̂n-gərə ləm tɔ.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 5:17

Yeenn a, maji karə isije to mbəje ang. A maji karə ə-sangəje ta gərə nɛ̂n kə̂ mə Əbbəjeje ndiki karə ə-ddaje.

Epɛjinyɛje 5:19

Maji karə ɔsuje pa wal Lubba, pa piti Lubba kə paje kə̂ Ndil tɔjuse. Ɔsuje pa ə-ndɔije nɛ̂n ri Əbbə-dəwje kə məse tɔyn.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

Kolosinyɛje 4:6

Maji karə tar kə̂ tase tə̂ maji to maji dɔrɔ ngaâ nəəl dəwje. Maji karə ə-gərəje gusu kə̂ â kilaje nɛ̂n tar tə̂ lə dəwje kâra kâra.

1 Tesalonisinyɛje 1:8

Mba tar lə Əbbə-dəwje in bbeê ləse bba tee Maseduwann kə nangə tə̂ kə̂ Akay. Ngaâ, dəwje ooje tam məse kə̂ unnje arəje Lubba le kə lo tɔyn, yeenn a, ja təl pa tar dɔɛ̂ tə̂ ang ngaa.

1 Tesalonisinyɛje 4:18

Yeenn a, maji karə ə-ndəjəje naan kə tarje nəənn bba karə ubbaje singa.

2 Tesalonisinyɛje 3:15

Ooeje to nje-baan ləse ang, a maji karə ə-ndɔruje mbia tokə ngokɔnse njaa.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

2 Timɔte 3:15

Kar tə̂ kə̂ ə-nayn ngonn bbay njaa ə-gərə Makəturu kə̂ maji tɔyn. Makəturu le ee kə singa mba tɔji kəm-karɛ. Kəm-karɛ le a kaw səi karə inga kaji kə̂ Jeju-Kristə aw arə dəwje kə̂ unnje məde arɛ̂je.

Titə 3:6

Lubba arə Ndil le ddee dɔje tə̂ kə nangə̂ baa ddəw tə̂ lə Jeju-Kristə kə̂ to Nje-kajije.

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Jakə 5:13

Bbo marə dəw horose tə̂ aw oo ndoo a, maji karə n̂-duju Lubba. A bbo marɛ̂ isi kə rɔ-nəəl a, maji karə nɔsu pa n̂-wal nɛ̂n Lubba.

1 Jan 2:14

Ngannje, m-dda makəturu nəənn marəse, mba ə-gərəje Bɔ. Bɔydede, m-dda makəturu nəənn marəse, mba ə-gərəje nɛ̂n kə̂ n̂-to kunn-kutu nɛ̂n tə̂ njaa le. Basanje, m-dda makəturu nəənn marəse, mba ingaje singa ngaa, tar lə Lubba to məse tə̂ ngaâ utaje Nje-mə-majang kə singa.

1 Jan 2:24

A sese, maji karə tar kə̂ ooje kunn-kute tə̂ njaa nayn məse tə̂. Bbo tar kə̂ ooje kunn-kute tə̂ le nayn məse tə̂ a, yeenn pa nan ə-naynje ddəw mə-kâra tə̂ kə Ngonn ddəm kə Bɔ ddəm.

1 Jan 2:27

A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.

2 Jan 1:2

mba tar kə̂ tɔkɔrɔ le to məje tə̂ ngaâ a nayn kə je kə ləw.

Apokalisi 14:3

Dəwje le aw ɔsuje pa kə̂ siki nɔn ngende-mbay tə̂ le, nɔn nɛ̂nje tə̂ kə̂ toje kəm baa kə̂ sɔ le kə nɔn tɔkəje tə̂ le. Dəw kâra kə̂ a kasə ndo pa le goto. Bbayɛ̂ njaa to dede kə̂ doro kɔr kâra kə dɔsɔ gire sɔ (144 000) kə̂ Ngonn batə uka dɔde dɔ nangə tə̂ le.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.