Kolosinyɛje 3:12 - Dɔnɔn kə̂ Siki: Tar kə̂ aw arə təbbə

¹² Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

Kolosinyɛje 3:12 ပူးပေါင်းရင်းမြစ်များ

Matiye 24:22

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete le.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:31

Tɔkə təbbə-narɛ a bbar ngaâ Ngonn lə dəw a kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Marke 13:20

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete.

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Marke 13:27

Yeenn ngaâ nâ kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Luku 1:78

Ddəw maji tə̂ lə Lubba ləje kə̂ ndiki nɛ̂n je nya, ddəw maji tə̂ənn le bba, bbo kar ubba mə dara tə̂ a, aw uru dɔje tə̂,

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

Rɔmɛnje 9:11

Lubba njaa gɔl ddəw kə̂ naw mbərə nɛ̂n dəwje. N̂-mbərə dəwje mba bbar kə̂ n̂-bbarde bbo mba kula-ddade ang. Ta tɔju dəwje to n̂-to gatə gatə ddəw nɛ̂n tə̂ kə̂ n̂-gɔl ta dda le, Lubba le pa arə Rebeka kar tə̂ kə̂ n̂-nayn nuju nɛ̂n ang bbay ngaâ ngannɛ̂ le nayn ddaje maji wase majang ang bbay nan: «Ne kə̂ tɔkə nâ to nje-kula lə ne kə̂ mbatə.»

1 Kɔrɛntinyɛje 13:4

Ndiki to kore-wur, ndiki to dda maji, mə ddɛɛ̂ ang. Naw nunda gue ang ddəm noo rɔɛ̂ bo ang ddəm.

2 Kɔrɛntinyɛje 6:6

A n-ngəm rɔje, n-tɔju nɛ̂n-gərə ləje, n-tɔ wurje, n-dda maji kə dəwje, Ndil-mə-nda umanje, n-ndiki dəwje kə məje tɔyn,

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Epɛjinyɛje 4:24

Maji karə ə-ddeeje to dəwje kə̂ siki kə̂ Lubba ddade tokə ye kə̂ məɛ̂ ndiki ngaâ tar kə̂ tɔkɔrɔ ddade arə n̂-ddeeje to dəwje kə̂ gatə gatə ddəm dəwje kə̂ nɛ̂n-yərəw ɔrude ang ddəm.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

Pilipinyɛje 1:8

Tɔkɔrɔ Lubba kara gərə ndiki kə̂ m-dikise nya tokə Jeju-Kristə ndikise nya le tɔ.

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

1 Jan 4:19

Jeje, ndiki to məje tə̂, mba Lubba ndikije dɔngɔr.

2 Jan 1:13

Ngann lə ngokɔin kə̂ dɛnɛ̂n kə̂ Lubba mbəre le, ddaije lapiya.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»