Kolosinyɛje 3:11 - Dɔnɔn kə̂ Siki: Tar kə̂ aw arə təbbə

¹¹ Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

Kolosinyɛje 3:11 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Kulaje 15:17

Yeenn bba kəsə dəwje a sangəje Əbbə-dəwje, tɔkɔrɔ, gəl-dəwje tɔyn kə̂ m-bbarde karə n̂-toje to dəwje ləm. Tar kə̂ Əbbə-dəwje pa le â nəənn.

Kulaje 28:2

Njê-bbeje le taajeje kə majɛ̂ nya. N̂-yəlje tɔkə puru ngaâ n̂-bbarjeje darə n-ndibbi mba ndi unn kutu kərə arə kul ɔn nya.

Kulaje 28:4

Njê-bbeje le ooje li kə̂ tinya ji Pɔl tə̂ le a, n̂-paje tar horode tə̂ nan: «A du ang, dingaw nəənn to nje-tɔl dəwje. Maann a ta kuwɛ̂ bba n̂-tee tɛɛ̂ tə̂. A nɛ̂n kə̂ gatə gatə lə Lubba a kinyɛ̂ karə n̂-nayn kəm baa ang.»

Rɔmɛnje 1:14

To tar ləm ta kaw rɔ dəwje tə̂ tɔyn, Gɛrɛkəje kə njê kə̂ kəmde ɔru ang, njê kə̂ gərəje nɛ̂n kə njê kə̂ gərəje nɛ̂n ang.

Rɔmɛnje 10:12

Yeenn a, Jiipije kə Gɛrɛkəje toje to dəwje kə̂ kâra baa. Əbbədede kâra baa, naw narə nɛ̂nje kə̂ maji dəwje tɔyn kə̂ aw bbarɛ̂je.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 3:29

Bbo baann ang a, Lubba a to Lubba lə Jiipije kə karəde baa wa? N̂-to Lubba lə kəsə dəwje tɔ,

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Kɔrɛntinyɛje 14:11

Bbo moo marə ndɔn-tar ang a, mâ koo dəw kə̂ aw pa ndɔn-tar le to nje-mba kəmʼm tə̂ ngaâ nâ koom to nje-mba kəmɛ̂ tə̂ tɔ.

1 Kɔrɛntinyɛje 7:19

Kuja ganja wase kuja ganja ang dda marə nɛ̂n kâra ang. Ngəm nduje lə Lubba â to nɛ̂n kə̂ ngəng.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 1:23

Egilisi le to da-rɔ Kristə ngaâ Kristə ddusu Egilisi tɔyn ngaâ Lubba ddusu Kristə tɔyn.

Epɛjinyɛje 2:14

Mba ne Kristə le njaa n̂-dda narə jisi kə mə-wul-lɔm. N̂-dda narə Jiipije kə dəwje kə̂ toje to Jiipije ang ddeeje to dəwje kə̂ kâra baa. Ddəw koy tə̂ laa, mbətə-naan kə̂ to tokə ndoko kə̂ kayn horode le n̂-guru kə ddang.

Epɛjinyɛje 2:15

Nɔru Ndu lə Mɔyijə kə tarje kə̂ məɛ tə̂ kə ddang. N̂-dda baann ta mbɔn Jiipije kə dəwje kə̂ toje to Jiipije ang karə n̂-ddeeje to gəl-dəwje kə̂ siki kə̂ kâra baa ddəw mə-kâra tə̂ kə̂ n̂-ddaje kə Kristə ngaâ karə mə-wul-lɔm to horode tə̂.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Epɛjinyɛje 3:6

Nɛ̂n kə̂ to lo-kiyɛ̂ tə̂ le tokə be: Ddəw Tar tə̂ kə̂ Maji, Lubba gɔl dəwje kə̂ toje to Jiipije ang karə ingaje nɛ̂nje kə̂ n̂-gɔl mba Jiipije naan tə̂ kə de. N̂-ddeeje to da-rɔ kə̂ kâra baa ngaâ nɛ̂n kə̂ Lubba unn ndue ta karə ddəw tə̂ lə Jeju-Kristə to mbade tɔ.

Epɛjinyɛje 6:8

Ə-gərəje kə majɛ̂: Dəw kə̂ to bbərə wase dəw kə̂ to bbərə ang kara a kinga kuka ji Əbbə-dəwje tə̂ asə kəm maji laa kə̂ n̂-dda.

Kolosinyɛje 2:10

Sese kara, ingaje nɛ̂nje tɔyn kə nangə̂ baa ddəw mə-kâra tə̂ kə̂ ə-ddaje saa, ne kə̂ nɔn dɔ ndilje tɔyn kə̂ aw ɔnje mbay ddəm singa-mɔnguje tɔyn ddəm.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.