Kolosinyɛje 3:1 - Dɔnɔn kə̂ Siki: Tar kə̂ aw arə təbbə

¹ Ə-ndolje kâra baa kə Kristə kə̂ oy ngaâ ndol le mban. Yeenn a, maji karə kəmse to kə dɔ nɛ̂n tə̂ kə̂ darâ, lo tə̂ kə̂ Kristə isi tə̂, dɔ ji-kɔl Lubba tə̂.

Kolosinyɛje 3:1 ပူးပေါင်းရင်းမြစ်များ

Matiye 22:44

‹Əbbə-dəwje Lubba pa arə Əbbəmje nan: Isi dɔ ji-kɔləm tə̂, ndərəng ndɔ kə̂ mâ kungu njê-baanje ləi kɔ gɔli tə̂.›

Matiye 26:64

Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»

Matiye 6:20

A maji karə ə-mbɔnje nɛ̂n-kingaje kə dɔ naan tə̂ darâ, mba dara to lo kə̂ sɔlɔlɔ a kɔn nɛ̂n tə̂ ang ddəm nɛ̂n a kuwa mbɔrkasɛ tə̂ ang ddəm njê-bbokoje kara a tətə ta-kəy mba bboko nɛ̂n tə̂ ang ddəm.

Matiye 6:33

Ə-sangəje Bbe-kɔn lə Lubba kə gatə gatə laa dɔngɔr, a nâ karəse kəsə nɛ̂njeenn tɔyn dɔɛ̂ tə̂.

Marke 12:36

Dabbiti njaa kara, kar tə̂ kə̂ Ndil-mə-nda dduse, pa nan: ‹Əbbə-dəwje Lubba pa arə Əbbəmje nan: Ə-ddee isi dɔ ji-kɔləm tə̂ ndərəng ta mungu njê-baanje ləi kɔ gɔli tə̂.›

Marke 14:62

Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 20:42

Dabbiti njaa pa Makəturu tə̂ lə Sɔmje nan: ‹Əbbə-dəwje Lubba pa arə Əbbəmje nan: Isi dɔ ji-kɔləm tə̂

Luku 22:69

A kunn-kute bbasinɛn, Ngonn lə dəw a kisi dɔ ji-kɔl Lubba tə̂ kə̂ to nje-singa-mɔngu.»

Kulaje 2:34

Dabbiti aw darâ ang njaa, a n̂-pa nan: ‹Əbbə-dəwje pa arə Əbbəmje nan: Isi dɔ ji-kɔləm tə̂

Kulaje 7:55

A ne Etiyɛnn kə̂ Ndil-mə-nda dduse le, kəmɛ̂ to kə darâ. Noo ndoko lə Lubba ngaâ noo Jeju kə̂ ar dɔ ji-kɔl Lubba tə̂.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

Rɔmɛnje 8:6

Dəw kə̂ kəjə laa to kə dɔ bboje tə̂ kə̂ da-rɔ tə̂ a kinga yo. A dəw kə̂ kəjə laa to kə̂ dɔ nɛ̂n tə̂ kə̂ Ndil-mə-nda ndiki a kinga təbbə kə mə-wul-lɔm.

2 Kɔrɛntinyɛje 4:18

Nɛ̂n kə̂ kəm dəw aw oo â jaw jaa lo kə tə̂ ang. Nɛ̂n kə̂ kəm dəw oo ang â jaw jaa lo kə tə̂. Mba nɛ̂n kə kəm dəw oo, to nɛ̂n kə̂ a nday. A nɛ̂n kə̂ kəm dəw oo ang, to nɛ̂n kə̂ a to kə ndɔ kə ndɔ.

Epɛjinyɛje 4:10

Dəw kə̂ ddisi le ne tɔ â, nin naw nday daraje tɔyn le. Yeenn bba ta ddusu nɛ̂n loje tɔyn kə̂ Lubba dda.

Epɛjinyɛje 5:22

Dɛnɛ̂nje, maji karə ooje ta ngawsese tokə aw ooje ta Əbbə-dəwje.

Kolosinyɛje 2:20

Oyje ddəw kâra baa kə Kristə mban arə singaje kə̂ duninya tə̂ toje to nɛ̂n kâra ang kəmse tə̂. A mba ddi bba kisi ləse to tokə dəwje kə̂ dɔ nangə tə̂ nəənn ngaâ aw bbəəlje nduje wa?

Kolosinyɛje 3:2

Maji karə əjəje kə dɔ nɛ̂n tə̂ kə̂ darâ, bbo dɔ nɛ̂n tə̂ kə̂ nangə̂ nəənn ang.

Ebərəje 1:13

Ta pa karə marə anjə nan: «Ə-ddee isi dɔ ji-kɔləm tə̂, mâ dda karə njê-baanje ləi ddeeje to lo kungu gɔli.» Lubba pa tar baann ndɔ kâra ang.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 10:12

A Kristə arə nɛ̂n-polo kâra baa mba majangje. Goe tə̂ a, nisi dɔ ji-kɔl Lubba tə̂ nyɔm kə ləw.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.