Kolosinyɛje 2:7 - Dɔnɔn kə̂ Siki: Tar kə̂ aw arə təbbə

⁷ Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

Kolosinyɛje 2:7 ပူးပေါင်းရင်းမြစ်များ

Luku 6:48

N̂-to kâra baa kə dəw kə̂ a ta kɔsu kəy a, uru buwa arə uru bba ungu gɔl kəy le dɔ ər tə̂. Bbo maann taa lo ngaâ unda kar kəy le a, kəy le oso ang, mba nɔsu kəy le kə majɛ̂.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 1:21

Lubba njaa dda arə jeje kə sese tɔyn, jubbaje singa ddəw mə-kâra tə̂ kə̂ jaw ddaje kə Kristə le ngaâ nundaje dang.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Epɛjinyɛje 4:21

Bbo n̂-pa tar laa darəse ngaâ n̂-tɔjuse tar laa kə̂ to tar kə̂ tɔkɔrɔ kə̂ ddee ddəw tə̂ lə Jeju a,

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.

1 Tesalonisinyɛje 5:18

ngaâ mə nɛ̂nje tə̂ tɔyn, arəje wooyo Lubba, mba to nɛ̂nje kə̂ Lubba ndiki karə ə-ddaje mba mə-kâra kə̂ ə-ddaje kə Jeju-Kristə.

2 Tesalonisinyɛje 2:17

n̂-ddaje darə ubbaje singa ngaâ darəse singa dda nɛ̂nje tɔyn kə̂ maji ddəw kulaje tə̂ tɔyn kə̂ aw ddaje ddəm ddəw tarje tə̂ tɔyn kə̂ aw paje ddəm.

Ebərəje 13:15

Ddəw tə̂ lə Jeju, maji karə n-walje Lubba tokə nɛ̂n-polo kə̂ jaw jarɛ̂je ddəw paje tə̂ kə ddəw tarje tə̂ kə̂ taje tə̂ kə̂ tɔjuje to Lubba to Əbbə-dəwje.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

Judə 1:12

Dede le n̂-toje to nɛ̂n-yərəw horose tə̂, see njê-mə-kunnje ndɔ kɔn muru mə-kâra tə̂ ləse. Dusaje nɛ̂n ngaâ dayje nɛ̂n kə rɔ-kul ang darəje məde ndann ngaâ dəjəje kə dɔde tə̂, dede njaa. N̂-toje tokə lə ndi kə̂ in, a ərə ang, mba ləl ɔsu ɔtu nɛ̂n. N̂-toje tokə kakə kə̂ nɛyn kandə lə kakəje asə a, andə ang. Tokə kakəje kə̂ n̂-tɔru kə ngirɛ̂ baa darə oy njan.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!