Kolosinyɛje 2:4 - Dɔnɔn kə̂ Siki: Tar kə̂ aw arə təbbə

⁴ Maw pa tar nəənn bba karə dəw kâra ərəse kə tarje kə̂ tɛɛ̂ tə̂ kə̂ kura kura ang.

Kolosinyɛje 2:4 ပူးပေါင်းရင်းမြစ်များ

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:4

Jeju ilade tə̂ nan: «Aaje rɔse, arəje dəw ərəse ang.

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Kulaje 20:30

Marə njê-ngəmje a kinje horose tə̂ njaa ta dda karə marə njê-mə-kunnje unnje gode.

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

2 Timɔte 2:16

Ayn kunda bulaje kə̂ baa kə̂ aw tila kəm tar mə-kunn, mba dəwje kə̂ aw undaje bula baa baa le aw awje ddəw əw kə Lubba jann jann.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

1 Jan 2:26

M-dda makəturu nəənn marəse, mba pa nɛ̂n tar dɔ dəwje tə̂ kə̂ aw sangəje ddəw ta ddase karə ə-ndəəmje ddəw le.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 20:3

Nilɛ̂ tɔkə buwa tə̂ kə̂ sunrɛ̂ goto le ngaâ nutu tɛɛ̂, n̂-lətə ta buwa le dɔɛ̂ tə̂ mba karə nərə gəl-dəwje ang ngaa ndərəng mba bbal doro kâra le. Goe tə̂ a, dâ tute mba marə kar ngaji.

Apokalisi 20:8

ngaâ nâ kaw kərə gəl-dəwje kɔyn nangə tə̂ kə̂ sɔ tɔyn, yeenn pa nan Gogə kə Magogə. Nâ mbɔn dəwje le mba dda nɛ̂n ddɔ. Kɔrde banya tokə ənangara ta ba-katə.