Kolosinyɛje 2:23 - Dɔnɔn kə̂ Siki: Tar kə̂ aw arə təbbə

²³ Tɔkɔrɔ, ndujeenn le toje to nɛ̂n kəm-karɛ kəm dəwje tə̂: Polo nɛ̂nje kə̂ mə dəw ndiki, dda rɔ tɛn baa kə dda rɔ ndoo tə̂. A ndujeenn toje to nɛ̂nje kə̂ baa, a ta dda karə dəw tɔ bboje kə̂ da-rɔɛ̂ tə̂, ndujeenn le asəje ta dda ang.

Kolosinyɛje 2:23 ပူးပေါင်းရင်းမြစ်များ

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

Epɛjinyɛje 5:29

Ndɔ kâra dəw mbətə da-rɔɛ̂ ang. Dəw aw ngəm da-rɔɛ̂ kə nɛ̂n-kusa tokə Kristə aw dda kə Egilisi laa.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

Kolosinyɛje 2:22

Ndujeenn le to mba nɛ̂nje kə̂ bbo kunn njaa dəw unn dda nɛ̂n kula be a, a goto kə ddang. To nduje kə nɛ̂n-tɔjuje lə dəwje.

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

1 Timɔte 4:3

Njê-ngəmje le tɔjuje nɛ̂n nan: Taa-naan lə dɛnɛ̂n de kə dingaw to nɛ̂n kə̂ maji ang wase kusa marə nɛ̂n-kusaje to nɛ̂n kə̂ maji ang. A Lubba dda nɛ̂n-kusajeenn mba njê-mə-kunnje kə̂ gərəje nɛ̂n-tɔju kə̂ tɔkɔrɔ. Maji karə darəje wooyo Lubba mban a, dusaje.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.