Kolosinyɛje 2:18 - Dɔnɔn kə̂ Siki: Tar kə̂ aw arə təbbə

¹⁸ Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

Kolosinyɛje 2:18 ပူးပေါင်းရင်းမြစ်များ

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Rɔmɛnje 1:25

Dunnje nɛ̂n kə̂ tɔkɔrɔ ang dilaje turu nɛ̂n kə̂ tɔkɔrɔ tə̂ lə Lubba. N̂-poloje nɛ̂n kə̂ Lubba dda kə jia ngaâ n̂-ddaje kula darə nɛ̂njeenn le. A dinyaje ta polo Lubba kə̂ asə karə dəwje ɔsuje gajɛ̂ kə bbal kə bbal. Amɛnn!

Rɔmɛnje 16:18

mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

1 Kɔrɛntinyɛje 13:4

Ndiki to kore-wur, ndiki to dda maji, mə ddɛɛ̂ ang. Naw nunda gue ang ddəm noo rɔɛ̂ bo ang ddəm.

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

1 Kɔrɛntinyɛje 4:18

Marə dəwje horose tə̂ ooje rɔde bo mba dəjəje to mâ tee horose tə̂ ang.

1 Kɔrɛntinyɛje 4:6

Ngakɔnʼmje, mba tar ləse â munn nɛ̂n nɛ̂n-kɔju-marɛ̂ dɔm tə̂ kə dɔ Apolos tə̂, ta karə ə-gərəje nɛ̂n gəl kɔn-tar nəənn: «Nɛ̂n kə̂ n̂-dda makəturu tə̂ njaa maji ta nayn dɔɛ tə̂». Baann bba karə dəw kâra horose tə̂ unda gue ngaâ unn go marə dəw mbətə nɛ̂n marɛ̂ ang.

1 Kɔrɛntinyɛje 8:1

Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

1 Kɔrɛntinyɛje 9:24

Ə-gərəje kə majɛ̂ to, horo dəwje tə̂ tɔyn kə̂ aw aynje ngɔru natâ mba kuta nɛ̂n naan, dəw kâra baa â a kinga kuka. Yeenn a, aynje ngɔru kə gusu kə̂ â kingaje nɛ̂n kuka.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

Pilipinyɛje 3:14

Yeenn bba, maw mayn ngɔru ta tee kɔnyɛ̂ tə̂, mba kinga kuka kə̂ Lubba bbarje karə jinga darâ ddəw tə̂ lə Jeju-Kristə.

Kolosinyɛje 2:23

Tɔkɔrɔ, ndujeenn le toje to nɛ̂n kəm-karɛ kəm dəwje tə̂: Polo nɛ̂nje kə̂ mə dəw ndiki, dda rɔ tɛn baa kə dda rɔ ndoo tə̂. A ndujeenn toje to nɛ̂nje kə̂ baa, a ta dda karə dəw tɔ bboje kə̂ da-rɔɛ̂ tə̂, ndujeenn le asəje ta dda ang.

Kolosinyɛje 2:4

Maw pa tar nəənn bba karə dəw kâra ərəse kə tarje kə̂ tɛɛ̂ tə̂ kə̂ kura kura ang.

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

1 Timɔte 1:7

N̂-ddaje rɔde to njê-gərəje-Ndu lə Lubba kə̂ arə Mɔyijə, a n̂-gərəje gəl tar kə̂ daw paje le ang. Tar kə̂ darje dɔɛ̂ tə̂ le kara n̂-gərəje kandɛ̂ ang ddəm.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

2 Piyɛr 2:14

Kəmde to kə dɔ lo-to-majang tə̂ dɔrɔ ngaâ maal majang oy rɔde tə̂ ndɔ kâra ang, daw dərəje kəm dəwje kə̂ sangəje kə majɛ̂ ang, məde ərə ddəw dda bbo nɛ̂n tə̂ lə dəwje, n̂-toje to dəwje kə̂ ndu-ndɔɔl to dɔde tə̂.

1 Jan 2:26

M-dda makəturu nəənn marəse, mba pa nɛ̂n tar dɔ dəwje tə̂ kə̂ aw sangəje ddəw ta ddase karə ə-ndəəmje ddəw le.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 3:11

Maw ddee bbasinɛn baa. Maji karə uwa nɛ̂n kə̂ ee nɛ̂n le arə ngəng nan karə marə dəw in taa əjɔkudɔ ləi jii tə̂.