Kolosinyɛje 1:29 - Dɔnɔn kə̂ Siki: Tar kə̂ aw arə təbbə

²⁹ Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

Kolosinyɛje 1:29 ပူးပေါင်းရင်းမြစ်များ

Luku 13:24

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

Rɔmɛnje 15:20

Nɛ̂n kə̂ nəələm to lo kə̂ dəwje gərəje Kristə tə̂ ang bba m-ndiki ta kila mbər Tar kə̂ Maji le tə̂, mba m-ndiki ta kunn ta kula kə̂ dəw kə̂ dang â unda gɔlɛ̂ nangə̂ ang.

Rɔmɛnje 15:30

Ngakɔnʼmje, m-walse kə ri Əbbəjeje Jeju-Kristə ddəm ddəw tə̂ lə Ndil-mə-nda kə̂ aw dda arə jaw ndikije naan ddəm karə umanʼmje ddɔ tə̂, ddəw duju Lubba tə̂ mbam

1 Kɔrɛntinyɛje 12:11

Ne Ndil kə̂ kâra le njaa naw dda nɛ̂njeenn tɔyn. Narə gusu dəwje kâra kâra tokə məɛ̂ ndiki.

1 Kɔrɛntinyɛje 12:6

Kulaje dang dang banya nya, a Lubba kə̂ kâra baa njaa aw dda kulaje tɔyn ddəw tə̂ lə dəwje.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Kɔrɛntinyɛje 11:23

N̂-toje to njê-kulaje lə Kristə wa? Mâ pa tar tokə nje-wooy: M-to nje-kula lə Kristə kə̂ utade bbay. M-dda kula mutade, dilam kəy-kula tə̂ gɔl banya utade, n̂-tundam dutade ngaâ maw ta yo tə̂ ngɔsi mutade.

2 Kɔrɛntinyɛje 13:3

mba aw sangəje nɛ̂n kə̂ tɔju to Kristə njaa unda tar tam tə̂ arə maw pa. Bbo Kristə aw dda nɛ̂n mba tar ləse a, singɛ̂ to kə ndɔ tɔyn. Naw tɔju singa-mɔngu laa horose tə̂.

2 Kɔrɛntinyɛje 5:9

Mba yeenn bba, le n-nayn mə da-rɔ tə̂ nəənn wase n-tee mə tə̂ kə ddang kara, nɛ̂n kə̂ n-ndiki to, karə nooje maji kəmɛ̂ tə̂.

2 Kɔrɛntinyɛje 6:5

Dəwje tundajeje, dilajeje kəy-kula tə̂, wooy dda dəwje dɔje tə̂, kula ɔru singaje, n̂-ddaje darə n-tibbi ang, joso labbə.

Epɛjinyɛje 1:19

M-duju Lubba tɔ karə ə-gərəje singa-mɔngu kə̂ bo uta dɔɛ̂, kə̂ Lubba ngəm mba tar le jee njê-mə-kunnje. Singa-mɔngu laa kə̂ bo le njaa â

Epɛjinyɛje 3:20

Lubba aw dda kə je ddəw singa-mɔngu tə̂ laa kə̂ aw dda kula rɔje tə̂. Nasə dda karə jingaje nɛ̂nje uta yeje kə̂ n-dujeje wase yeje kə̂ jaw jəjəje.

Epɛjinyɛje 3:7

M-ddee to nje-kula Tar kə̂ Maji ddəw mə-maji tə̂ lə Lubba kə̂ dda səm baa kə singa-mɔngu laa.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 1:30

Ndoo le to ddɔ kə̂ aw ddaje tokə m-dda le ngaâ m-nayn tɛɛ̂ tə̂ baa bbay arə aw ooje tarɛ̂ le.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Kolosinyɛje 2:1

M-ndiki karə ə-gərəje to ddɔ kə̂ maw dda to ddɔ kə̂ ngəng nya: Maw dda ddɔ mba tar ləse, mba tar lə dəwje kə̂ Lawodise kə marə dəwje nya kə̂ oomje ndɔ kâra ang.

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

2 Tesalonisinyɛje 3:8

N-duju dəw jarə arəje nɛ̂n-kusa baa ang. N-dda kula jarə ngəng, joo ndoo til kə kar, bba karə n-ddee to nɛ̂n-koto dɔ marə dəw tə̂ kâra horose tə̂ ang.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Ebərəje 12:4

Mba ddɔ kə̂ aw ddɔje kə majang le, ə-ddɔje ndərəng ə-teeje nɛ̂n yo tə̂ ang bbay.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Apokalisi 2:3

«Ə-tɔ wuri nya ngaâ oo ndoo mba rim, a rɔi nyai ddəwe tə̂ ang.