17 Kristə to kete arə nɛ̂nje tɔyn ngaâ nɛ̂nje tɔyn aw naynje kə lo-tode ddəw tə̂ laa.
Bbasinɛn nəənn, Bɔy, ə-pitim lo tə̂ kə̂ ee tə̂ kə piti kə̂ aw pitim nɛ̂n mbɔri tə̂ kete bba duninya to le.
Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»
Mba ddəw tə̂ laa bba jaw jisije nɛ̂n kəm baa, jaw yəkəje nɛ̂n rɔje ngaâ da-rɔje to nɛ̂n. To ddəw kâra baa kə tar kə̂ marə njê-nɔn-paje ləje paje nan: ‹N-toje to ngann lə Lubba.›
A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.
Dəw kâra oo Lubba ang. A Kristə le dəw kə̂ ooe a, oo Lubba. N̂-to Ngonn-dərə kə̂ uta nɛ̂nje tɔyn kə̂ Lubba dda.
Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.
Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.
Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»
Mooe a, m-tee moso kɔ gɔlɛ̂ tə̂ tokə dəw kə̂ oy. A nila jia kə̂ kɔl dɔm tə̂ ngaâ n̂-pa nan: «Ə-bbəəl ang, m-to dɔngɔr dəw ddəm dɔbɔyn dəw ddəm.
Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»
«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn: