Kolosinyɛje 1:16 - Dɔnɔn kə̂ Siki: Tar kə̂ aw arə təbbə

¹⁶ Mba ddəw tə̂ laa â Lubba dda nɛ̂nje tɔyn kə̂ mə dara tə̂ ddəm dɔ nangə tə̂ ddəm nɛ̂nje kə̂ kəm dəw oo ddəm yeje kə̂ kəm dəw oo ang ddəm. N̂-dda ndilje kə̂ toje to njê-singaje, ndilje kə̂ aw ɔnje mbay. Lubba dda nɛ̂nje tɔyn ddəw tə̂ lə Kristə le ddəm mba Kristə le ddəm.

Kolosinyɛje 1:16 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:10

Tar le to duninya tə̂ nəənn. Ngaâ duninya to ddəw tə̂ laa. A duninya le gəre ang.

Tar kə̂ Maji kə̂ Jan dda makəturu tə̂ 1:3

Lubba dda nɛ̂n tɔyn ddəw tə̂ laa. Nɛ̂n kâra kə̂ Lubba inyɛ̂ a dda kə karɛ̂ baa goto.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 8:38

Tɔkɔrɔ, m-gərə kə majɛ̂ to marə nɛ̂n kə̂ a tinje kə ndiki laa goto. Yo ang ddəm təbbə ang ddəm anjəje ang ddəm marə ndilje kə̂ maji ang kə̂ darâ kə̂ ɔn dɔ dəwje ang ddəm nɛ̂n kə̂ bbokənɛn nəənn ang ddəm nɛ̂n kə̂ mə ndɔje tə̂ kə̂ aw ddee ang ddəm

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

Epɛjinyɛje 1:10

Nɛ̂n kə̂ n̂-ndiki ta dda le bbo karɛ̂ asə a, ta mbɔn nɛ̂nje tɔyn kə̂ toje mə dara tə̂ kə nɛ̂nje kə̂ toje dɔ nangə tə̂ kungu kɔ gɔl mbay tə̂ kə̂ kâra baa, kə̂ to Kristə.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Pilipinyɛje 2:10

Baann bba dəwje kə̂ isije mə dara tə̂ wase dede kə̂ disije dɔ nangə tə̂ kə kɔ nangə tə̂ dâ kɔsuje məkəjə-gɔlde nangə̂ nɔn Jeju tə̂ le ta kɔsu nɛ̂n gaji ria,

Kolosinyɛje 1:15

Dəw kâra oo Lubba ang. A Kristə le dəw kə̂ ooe a, oo Lubba. N̂-to Ngonn-dərə kə̂ uta nɛ̂nje tɔyn kə̂ Lubba dda.

Kolosinyɛje 1:20

Ddəw tə̂ lə Ngonnɛ̂ le n̂-ndiki ta təl kula nuju naan tə̂ kə nɛ̂nje tɔyn kə̂ dɔ nangə tə̂ ddəm nɛ̂nje tɔyn kə̂ darâ ddəm. Ddəw məsə Ngonnɛ̂ tə̂ kə̂ kayn kakə-dəsə tə̂ le, n̂-dda narə mə-wul-lɔm to dɔ nangə tə̂ ddəm darâ ddəm.

Kolosinyɛje 2:10

Sese kara, ingaje nɛ̂nje tɔyn kə nangə̂ baa ddəw mə-kâra tə̂ kə̂ ə-ddaje saa, ne kə̂ nɔn dɔ ndilje tɔyn kə̂ aw ɔnje mbay ddəm singa-mɔnguje tɔyn ddəm.

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

Ebərəje 2:10

Lubba dda nɛ̂nje tɔyn ngaâ arə nɛ̂nje le naynje kə lo-tode mbɛɛ̂. Lubba le oo maji karə Jeju ddee to dəw kə̂ asə tɔyn njaa ddəw ndoo tə̂ kə̂ Jeju le oo. Yeenn bba ta dda karə ngannɛ̂ ne Lubba le nya nya ingaje piti laa. Mba Jeju â aw ɔru nɔnde arə dingaje kaji.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.