Judə 1:20 - Dɔnɔn kə̂ Siki: Tar kə̂ aw arə təbbə

²⁰ A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.

Judə 1:20 ပူးပေါင်းရင်းမြစ်များ

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 6:7

Tar lə Lubba nja kə kete kete ngaâ kɔr njê-njaje go Jeju tə̂ aw kə kete kete mə bbe tə̂ kə̂ Jerujalɛm. Njê-poloje Lubba tokə banya unnje məde arə Jeju.

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 15:2

Maji karə jeje kâra kâra n-sangəje ddəw ta nəəl kəm ngakɔnje tə̂ mba kisi maji ləde. Yeenn bba ja ddaje karə njê-mə-kunnje sangəje kə kete ddəw mə-kunn tə̂.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Kɔrɛntinyɛje 10:23

Marə dəwje paje nan: Ddəw ɔru arəm karə m-dda nɛ̂n tɔyn. A nɛ̂n tɔyn njaa maji to maji dɔrɔ ang. Dəw ee kə ddəw ta dda nɛ̂n tɔyn, a nɛ̂n tɔyn njaa dda maji kə Egilisi ang.

1 Kɔrɛntinyɛje 14:15

Yeenn a, ddi â mâ dda wa? Mâ duju Lubba kə ndilim, a mâ duju Lubba kə nɛ̂n-gərə ləm tɔ. Mâ kɔsu pa kə ndilim, a mâ kusa pa kə nɛ̂n-gərə ləm tɔ.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Kolosinyɛje 2:7

Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

1 Tesalonisinyɛje 5:11

Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

2 Timɔte 1:5

Maw mole məm dɔ məi tə̂ kə̂ unn tokə tɔkɔrɔ le. To mə-kunn kə̂ Loyis kə̂ to kaije kə̂ dɛnɛ̂n kə kɔinje Ənis deeje nɛ̂n kete. Məjə tokə əi njaa kara unn məi tokə baann tɔ.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Jakə 2:22

Mə-kunn laa dda nɛ̂n ddəw kâra baa kə kulaje laa ngaâ kulaje laa le ddaje arə mə-kunn laa ddee to nɛ̂n kə̂ maji tɔyn.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

1 Jan 5:4

Mba dəw kə̂ Lubba uje tətə duninya nəənn kə ddɔ. A mə-kunn ləje â to nɛ̂n kə̂ ja tətə nɛ̂n duninya nəənn kə ddɔ.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.

Apokalisi 13:10

Bbo dəw kə̂ to ta karə duwɛ̂ bbərə tə̂ a, dâ kuwɛ̂ bbərə tə̂. Bbo dəw kə̂ to karə n̂-tɔlɛ̂ kə tɔkə kiya a, dâ tɔlɛ̂ kə tɔkə kiya. Kar nəənn to kar kə̂ ta karə dəwje lə Lubba tɔje wurde ngaâ uwaje mə-kunn ləde arə ngəng.