Judə 1:12 - Dɔnɔn kə̂ Siki: Tar kə̂ aw arə təbbə

¹² Dede le n̂-toje to nɛ̂n-yərəw horose tə̂, see njê-mə-kunnje ndɔ kɔn muru mə-kâra tə̂ ləse. Dusaje nɛ̂n ngaâ dayje nɛ̂n kə rɔ-kul ang darəje məde ndann ngaâ dəjəje kə dɔde tə̂, dede njaa. N̂-toje tokə lə ndi kə̂ in, a ərə ang, mba ləl ɔsu ɔtu nɛ̂n. N̂-toje tokə kakə kə̂ nɛyn kandə lə kakəje asə a, andə ang. Tokə kakəje kə̂ n̂-tɔru kə ngirɛ̂ baa darə oy njan.

Judə 1:12 ပူးပေါင်းရင်းမြစ်များ

Matiye 13:6

Kar ɔsu nya a, puru kar le ɔn koje le arə tutu, mba ngirade andə nangə̂ ang.

Matiye 15:13

Jeju ilade tə̂ nan: «Kakə tɔyn kə̂ Bɔy kə̂ isi darâ â ula ang, dâ kɔru kə ngirɛ̂ baa.

Marke 4:6

A kar ɔsu nya a, puru kar le ɔn koje kə̂ teeje le. Koje le tutu mba ngirade andə nangə̂ ang.

Luku 12:45

A bbo nje-kula le pa məɛ̂ tə̂ nan: ‹Əbbəmje a ddee njangə ang bbay!› Ngaâ nuru dɔ njê-kulaje kə̂ dingaw kə njê kə̂ dɛnɛ̂n tə̂ le naw tundade, nusa nɛ̂n ngaâ nay nɛ̂n narə ddɛɛ̂ a,

Luku 16:19

Jeju pa bbay nan: «Ləw, marə dəw kə̂ to nje-nɛ̂n-kinga kə̂ aw ula kubbu lɛɛn to. Ndɔ kâra kâra tɔyn naw dda kusu mə kəy tə̂ laa.

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Luku 8:6

Marə dəbbə kandə-ko le gayn dɔ ər tə̂. Kar kə̂ kandə-ko le tee a, tutu njan, mba ninga lo kə̂ nyɔm ang.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Pilipinyɛje 3:19

Dunnje ddəw yo, mba məde â to lubba ləde. Daw dɔsuje rɔde mba nɛ̂n-rɔ-kul ləde. Kəjə ləde to kə dɔ nɛ̂nje tə̂ kə̂ nangə̂ dɔrɔ.

1 Timɔte 5:6

A dɛnɛ̂n-ndubba kə̂ unn rɔɛ̂ mba rɔ-nəəl kə̂ nangə̂ nəənn isi kəm baa ddəw da-rɔ tə̂, a ddəw ndil tə̂ noy mban.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

Jakə 5:5

Dɔ nangə tə̂ nəənn, isije kə majɛ̂ ngaâ isije dann nɛ̂n-kingaje tə̂ kə̂ bo. Usaje nɛ̂n arəje məse ndann, ndɔ tə̂ kə̂ dəwje aw oyje mbarakə mbarakə.