Judə 1:1 - Dɔnɔn kə̂ Siki: Tar kə̂ aw arə təbbə

¹ Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.

Judə 1:1 ပူးပေါင်းရင်းမြစ်များ

Matiye 10:3

Pilipi de kə Bartelemi, Toma de kə Matiye kə̂ to nje-taa narɛ lambo, Jakə ngonn lə Alpe kə Tade.

Matiye 13:55

Ngonn lə nje-dda kula kakə le â nəənn ang wa? Kɔɛ̂nje â to Mari ngaâ ngakɔɛ̂nje â toje to Jakə, Jojɛpə, Simɔn kə Judə ang wa?

Marke 3:18

Andere kə Pilipi, Bartelemi kə Matiye, Toma kə Jakə ngonn lə Alpe, Tade kə Simɔn kə̂ daw bbarɛ̂ nan «Dəw kə̂ ndiki bbe laa nya»,

Marke 6:3

Nje-dda kula kakə le â nəənn ang wa? N̂-to ngonn lə Mari ang wa? Ngakɔɛ̂nje â toje to Jakə kə Joje kə Judə kə Simɔn ang wa? Ngakɔn-nannɛ̂ â isije kə̂ je nəənn ang wa?» Nɛ̂ɛnn le dda arə n̂-mbətəje ta kunn məde karɛ̂.

Luku 6:16

Judə kə̂ to ngonn lə Jakə kə Judas Iskariyotə kə̂ a təl to nje-kunn dɔ Jeju.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Tar kə̂ Maji kə̂ Jan dda makəturu tə̂ 14:22

Judə, kə̂ to dang kə Judas Iskariyotə duju Jeju nan: «Əbbə-dəwje, â tɔju rɔi karəje a kinya dəwje kə̂ duninya tə̂ tokə baânn wa?»

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 17:15

Maw duji karə ɔrude duninya tə̂ nəənn kə ddang ang. A ta karə ə-ngəmde bba karə Nje-mə-majang le dda marə nɛ̂n kə de ang.

Tar kə̂ Maji kə̂ Jan dda makəturu tə̂ 17:17

Maji karə ə-dda arə n̂-ddeeje maji tɔyn ddəw tar tə̂ kə̂ tɔkɔrɔ: Tar ləi to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Tar kə̂ Maji kə̂ Jan dda makəturu tə̂ 6:39

Nɛ̂n kə̂ mə dəw kə̂ ulam ndiki â nəənn: Maji karə horo dəwje tə̂ tɔyn kə̂ narəm, dəw kâra nayn kə kɔrɔ̂ ang. Maji karə m-ndolde ddutu ndɔ tə̂.

Kulaje 1:13

N̂-teeje Jerujalɛm a, daalje dawje mə kəy tə̂ kə̂ to dɔ marɛ̂ tə̂ taar kə̂ to lo mbɔn-naan ləde. Dəwje kə̂ eeje tə̂ənn to Piyɛr, Jan, Jakə de kə Andere, Pilipi de kə Toma, Bartelemi de kə Matiye, Jakə ngonn lə Alpe, Simɔn kə̂ daw bbarɛ̂ nan Jelotə kə Judə ngonn lə Jakə.

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Kulaje 27:23

Til tə̂ nəənn, Lubba kə̂ m-to dəw laa ngaâ maw pole arə marə anjə laa tee ingam,

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 1:6

Sese kara eeje horo dəwje tə̂ənn tɔ. Sese kə̂ Lubba bbarse arə ə-ddeeje to dəwje lə Jeju-Kristə le.

Rɔmɛnje 16:18

mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

Rɔmɛnje 9:24

Dəwjeenn le toje to jeje kə̂ Lubba mbərəje. N̂-mbərəje horo Jiipije tə̂ kə karəde baa ang, horo dəwje tə̂ kə̂ toje to Jiipije ang tɔ.

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.