Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tar kə̂ Maji kə̂ Jan dda makəturu tə̂ 9:24 - Dɔnɔn kə̂ Siki: Tar kə̂ aw arə təbbə

24 Yeenn ngaâ Parijinyɛje le təl bbarje nje-kəm-tɔ kə̂ təl oo lo le ngaâ paje arɛ̂je nan: «Ɔsu gaji Lubba. Jeje, n-gərə to dəw kə̂ dda arə oo lo le to nje-nɛ̂n-dda kə̂ maji ang.»

အခန်းကိုကြည့်ပါ။ ကော်ပီ




Tar kə̂ Maji kə̂ Jan dda makəturu tə̂ 9:24
22 ပူးပေါင်းရင်းမြစ်များ  

N̂-bbərəje njê-bbokoje joo kakə-dəsəje tə̂ mbɔrɛ̂ tə̂ tɔ. Marɛ̂ kâra ər kɔl, a marɛ̂ kâra ər gəl. [


Parijinyɛje kə njê-gərəje-Ndu aw nyuruje nan: «Dəw nəənn aw uwa njê-nɛ̂n-ddaje kə̂ maji ang kə rɔɛ̂ tə̂ ngaâ usa nɛ̂n kə de.»


Dəwje tɔyn ooje baann a, nyuruje nan: «Naw to mə kəy tə̂ lə nje-nɛ̂n-dda kə̂ maji ang.»


Parijinyɛ le oo baann a, pa məɛ̂ tə̂ nan: «Bbo dingaw nəənn to nje-kila mbər tar lə Lubba tɔkɔrɔ a, nâ gərə to dɛnɛ̂n kə̂ aw ɔrɛ̂ nəənn to nje-nɛ̂n-dda kə̂ maji ang.»


Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.


Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.


Dilɛ̂je tə̂ nan: «Bbo dingaw nəənn dda marə nɛ̂n kə̂ maji ang kâra ang a, ja ddee saa kari ang.»


A kakə mbayje lə njê-poloje Lubba kə njê-ngəmje ta-kəy-polo Lubba ooeje a, duruje əkii nan: «Ə-tɔlɛ̂ dɔ kakə-dəsə tə̂! Ə-tɔlɛ̂ kakə-dəsə tə̂.» Pilatə pa arəde nan: «Sese njaa uwɛ̂je, ə-tɔlɛ̂je dɔ kakə-dəsə tə̂. Mba minga marə nɛ̂n kâra ta gangə nɛ̂n sariya dɔɛ̂ tə̂ ang.»


Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.


Horose tə̂ nəənn, nan â, a kasə ta tɔjum to m-dda majang wa? Maw pa tar kə̂ tɔkɔrɔ a, ə-ndikije tə̂ kə tar ləm ang mba ddi wa?


Jeju ilade tə̂ nan: «Ndil kə̂ maji ang goto məm tə̂. Maw wal Bɔmje, a sese aw waləmje ang.


Marə Parijinyɛje paje nan: «Dəw kə̂ dda nɛ̂n nəənn in rɔ Lubba tə̂ ang, mba n̂-bbəəl ndɔ-kuwa-rɔ ang.» A marɛ̂je paje nan: «Dəw kə̂ to nje-nɛ̂n-dda kə̂ maji ang a kasə dda nɛ̂n-mɔrije kə̂ be tokə baânn wa?» Tin-naan to horo Parijinyɛje tə̂ le.


Dəw le ilade tə̂ nan: «N̂-to nje-nɛ̂n-dda kə̂ maji ang kara m-gərə ang. A nɛ̂n kâra kə̂ m-gərə, m-to nje-kəm-tɔ ləw, a bbasinɛn nəənn moo lo.»


Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.


Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.


Kar tə̂ənn njaa, nangə yəkə kə singa. Bbo n̂-kayn mə tɔkə bbe le dɔku a, dəbbə bbe le kâra njaa guru arə dəwje doro siri (7 000) oyje mba nangə kə̂ yəkə le. Bbəəl dda kəsə dəwje kə̂ naynje kəm baa ngaâ dɔsuje gaji Lubba kə̂ darâ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ