Tar kə̂ Maji kə̂ Jan dda makəturu tə̂ 8:58 - Dɔnɔn kə̂ Siki: Tar kə̂ aw arə təbbə

⁵⁸ Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

Tar kə̂ Maji kə̂ Jan dda makəturu tə̂ 8:58 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 10:25

Jeju ilade tə̂ nan: «M-pa marəse mban, a ə-ndikije tə̂ kə tar ləm le ang. Nɛ̂nje kə̂ maw dda kə ri Bɔmje ɔruje naji ləm.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 17:5

Bbasinɛn nəənn, Bɔy, ə-pitim lo tə̂ kə̂ ee tə̂ kə piti kə̂ aw pitim nɛ̂n mbɔri tə̂ kete bba duninya to le.

Tar kə̂ Maji kə̂ Jan dda makəturu tə̂ 8:24

Mba yeenn bba, m-pa marəse m-pa nan, a koyje mə majangje tə̂ ləse. Mba, Əman, ‹M-to›, â bbo ooje nɛ̂n məse tə̂ ang a, â koyje mə majangje tə̂ ləse.»

Tar kə̂ Maji kə̂ Jan dda makəturu tə̂ 8:28

Yeenn ngaâ Jeju pa arəde nan: «Bbo ə-tɔje Ngonn lə dəw kakə tə̂ ə-lɛ̂je kə taar a, â gərəje to ‹Əman, M-to›. Â gərəje to m-dda nɛ̂n kâra kə dɔm baa ang, nɛ̂n kə̂ Bɔ tɔjum njaa â maw pa.

Tar kə̂ Maji kə̂ Jan dda makəturu tə̂ 8:34

Jeju ilade tə̂ nan: «Tɔkɔrɔ, m-pa marəse, dəwje kə̂ naynje mə nɛ̂n-dda tə̂ kə̂ maji ang toje to bbərəje lə nɛ̂n-dda kə̂ maji ang le.

Tar kə̂ Maji kə̂ Jan dda makəturu tə̂ 8:51

Tɔkɔrɔ m-pa marəse, bbo dəw ngəm tar ləm a, nâ koy ndɔ kâra ang.»

Kolosinyɛje 1:17

Kristə to kete arə nɛ̂nje tɔyn ngaâ nɛ̂nje tɔyn aw naynje kə lo-tode ddəw tə̂ laa.

Ebərəje 13:8

Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 2:8

«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn: