Tar kə̂ Maji kə̂ Jan dda makəturu tə̂ 8:28 - Dɔnɔn kə̂ Siki: Tar kə̂ aw arə təbbə

²⁸ Yeenn ngaâ Jeju pa arəde nan: «Bbo ə-tɔje Ngonn lə dəw kakə tə̂ ə-lɛ̂je kə taar a, â gərəje to ‹Əman, M-to›. Â gərəje to m-dda nɛ̂n kâra kə dɔm baa ang, nɛ̂n kə̂ Bɔ tɔjum njaa â maw pa.

Tar kə̂ Maji kə̂ Jan dda makəturu tə̂ 8:28 ပူးပေါင်းရင်းမြစ်များ

Matiye 24:5

Mba dəwje nya a ddeeje kə rim ngaâ dâ paje nan: ‹Əman â m-to Kristə le› ngaâ dâ kərəje dəwje nya.

Marke 13:6

Dəwje nya a ddeeje kə rim ngaâ a paje nan: ‹Əman â m-to Kristə le!› Dâ kərəje dəwje nya.

Luku 21:8

Jeju ila tə̂ nan: «Aaje rɔse, arəje dəw ərəse ang, mba dəwje nya a ddeeje kə rim ngaâ dâ paje nan: ‹Əman â m-to Kristə le.› Marɛ̂je a paje nan: ‹Ndɔ nayn ngɔsi baa ngaa.› Unnje gode ang.

Tar kə̂ Maji kə̂ Jan dda makəturu tə̂ 11:42

M-gərə to aw ilam tar tə̂ kə ndɔ tɔyn njaa. A maw pa tar nəənn mba dəwje kə̂ gukumje nəənn. Baann bba karə dooje məde tə̂ to əi â ulam.»

Tar kə̂ Maji kə̂ Jan dda makəturu tə̂ 13:19

Bbasinɛn nəənn njaa m-pa marəse kete bba karə nɛ̂n le tee. Baann bba karə ndɔ kə̂ nɛ̂n le tee a, â kooje məse tə̂ to ‹M-to ne kə̂ n̂-to.›

Tar kə̂ Maji kə̂ Jan dda makəturu tə̂ 16:10

Nâ tɔjude karə n̂-gərəje nɛ̂n kə̂ gatə gatə, mba maw maw kə rɔ Bɔ tə̂ ngaâ â koomje ang ngaa.

Tar kə̂ Maji kə̂ Jan dda makəturu tə̂ 18:32

Baann bba karə tar kə̂ Jeju pa mba tɔju nɛ̂n gar yo kə̂ nâ koy le ddee to nɛ̂n kə̂ tɔkɔrɔ.

Tar kə̂ Maji kə̂ Jan dda makəturu tə̂ 19:18

Mbambaje bbərəje Jeju kakə-dəsə tə̂ lo tə̂ənn le. Kar tə̂ənn njaa, n̂-bbərə marə dingawje joo kakə-dəsə tə̂ tɔ, marɛ̂ kâra dɔ ji-gəl Jeju tə̂, a marɛ̂ kâra dɔ ji-kɔlɛ̂ tə̂.

Tar kə̂ Maji kə̂ Jan dda makəturu tə̂ 3:11

M-pa tar kə̂ tɔkɔrɔ mari, nɛ̂n kə̂ n-gərə â jaw pa. Jaw pa tar-naji nɛ̂n kə̂ joo kə kəmje, a sese ə-mbətəje tar-naji ləje.

Tar kə̂ Maji kə̂ Jan dda makəturu tə̂ 3:14

Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Tar kə̂ Maji kə̂ Jan dda makəturu tə̂ 4:26

Jeju ilɛ̂ tə̂ nan: «Əman kə̂ maw pa səi tar nəənn, m-to Mesi le.»

Tar kə̂ Maji kə̂ Jan dda makəturu tə̂ 5:19

Jeju təl pa arəde nan: «Tɔkɔrɔ njaa, m-pa marəse: Ngonn asə ta dda nɛ̂n kə dɔɛ̂ baa ang. Nɛ̂n kə̂ noo Bɔɛ̂je dda bba n̂-dda. Nɛ̂n tɔyn kə̂ Bɔ dda a, Ngonn dda tɔ.

Tar kə̂ Maji kə̂ Jan dda makəturu tə̂ 5:30

«Əman, masə ta dda marə nɛ̂n kâra kə dɔm baa ang. Maw gangə sariya kə turu ndu Bɔ ngaâ sariya kə̂ maw gangə to kə dɔgɔlɛ̂. Mba nɛ̂n kə̂ məm ndiki â maw sangə ddəw ta dda ang. Nɛ̂n kə̂ mə dəw kə̂ ulam le ndiki â maw sangə ddəw ta dda.

Tar kə̂ Maji kə̂ Jan dda makəturu tə̂ 6:38

Tɔkɔrɔ njaa, min darâ m-ddee ta dda nɛ̂n kə̂ mə dəw kə̂ ulam ndiki, bbo nɛ̂n kə̂ məm ndiki â m-ddee ta dda ang.

Tar kə̂ Maji kə̂ Jan dda makəturu tə̂ 8:24

Mba yeenn bba, m-pa marəse m-pa nan, a koyje mə majangje tə̂ ləse. Mba, Əman, ‹M-to›, â bbo ooje nɛ̂n məse tə̂ ang a, â koyje mə majangje tə̂ ləse.»

Tar kə̂ Maji kə̂ Jan dda makəturu tə̂ 8:27

N̂-gərəje to tar lə Bɔ â Jeju aw pa arəde ang.

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

Kulaje 2:41

Dəwje kə̂ ndikije tar tə̂ laa le ingaje batɛm. Ndɔɛ̂ tə̂ənn kɔr dəwje asə nɛ̂n kə̂ doro mota ddeeje unguje dɔ kɔr njê-mə-kunnje tə̂ kə̂ kete.

Kulaje 4:4

A marə dəwje tokə banya horo dəwje tə̂ kə̂ tuka mbide ooje nɛ̂n tar lə Lubba le ooje məde tə̂ arə kɔr njê-mə-kunnje asə nɛ̂n kə̂ doro min.

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.