Tar kə̂ Maji kə̂ Jan dda makəturu tə̂ 6:70 - Dɔnɔn kə̂ Siki: Tar kə̂ aw arə təbbə

⁷⁰ Jeju ilade tə̂ nan: «Əman â m-mbərəse, see njê-kaw-kulaje kə̂ dɔku gire joo nəənn ang wa? A marə dəw horose tə̂ to marə əsu.»

Tar kə̂ Maji kə̂ Jan dda makəturu tə̂ 6:70 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 13:18

«Maw pa nɛ̂ɛnn ɔju dɔse tɔyn ang. M-gərə dəwje kə̂ m-mbərəde. A maji karə tar kə̂ Makəturu tə̂ lə Lubba nəənn ddee to nɛ̂n kə̂ tɔkɔrɔ. Tar le nan: ‹Dəw kə̂ aw usa səm nɛ̂n təl to nje-baan ləm.›

Tar kə̂ Maji kə̂ Jan dda makəturu tə̂ 13:2

Jeju kə njê-njaje goe tə̂ disije ta nɛ̂n-kusa tə̂ lo-kul tə̂. A əsu ula kəjə kila Jeju ji dəwje tə̂ mə Judas tə̂ kə̂ to ngonn lə Simɔn Iskariyotə tokə kete mban.

Tar kə̂ Maji kə̂ Jan dda makəturu tə̂ 13:21

Go tar tə̂ kə̂ Jeju pa le a, kəjə laa to kə dannâ ang ngaâ n̂-pa kə ddaka nan: «Tɔkɔrɔ njaa m-pa marəse, dəw kâra horose tə̂ a kunn dɔm.»

Tar kə̂ Maji kə̂ Jan dda makəturu tə̂ 13:27

Judas taa muru le a, Satan andə məɛ̂ tə̂. Jeju pa arɛ̂ nan: «Nɛ̂n kə̂ a ta dda le, ə-dda njangə.»

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 15:19

Bbo ə-toje to dəwje kə̂ duninya tə̂ a, dəwje kə̂ duninya tə̂ a ndikijese, mba ə-toje to ləde. A ə-toje to dəwje kə̂ duninya tə̂ ang ngaâ m-mbərəse horo dəwje tə̂ kə̂ duninya tə̂ nəənn. Mba yeenn bba, dəwje kə̂ duninya tə̂ mbətəjese.

Tar kə̂ Maji kə̂ Jan dda makəturu tə̂ 17:12

Kar kə̂ m-nayn kə de bbay le, maw ngəmde ddəw singa tə̂ ləi kə̂ arəm. M-ngəmde marə dəw kâra horode tə̂ nayn kɔrɔ̂ ang. Bbayɛ̂ â to ne kə̂ nâ nayn kə kɔrɔ̂ le, yeenn bba karə tar kə̂ Makəturu tə̂ ləi ddee to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 2:2

N̂-bbar Jeju kə njê-njaje goe tə̂ kusu tə̂ le tɔ.

Tar kə̂ Maji kə̂ Jan dda makəturu tə̂ 20:24

Kar kə̂ Jeju tee inga njê-njaje goe tə̂ kə̂ dɔku gire joo le, marɛ̂ kâra kə ria nan Toma kə̂ daw bbarɛ̂ nan Ndunga goto horode tə̂.

Tar kə̂ Maji kə̂ Jan dda makəturu tə̂ 6:64

A horose tə̂, marə dəwje ooje məde tə̂ ang.» Mba kunn-kute tə̂ njaa, dəwje kə̂ ooje məde tə̂ kə̂ Jeju ang, Jeju gərəde ddəm gərə dəw kə̂ a kunn dɔɛ̂ ddəm.

Tar kə̂ Maji kə̂ Jan dda makəturu tə̂ 6:67

Yeenn ngaâ Jeju pa arə njê-kaw-kulaje kə̂ dɔku gire joo le nan: «Sese, ə-ndikije ta kɔtu tɔ ang wa?»

Tar kə̂ Maji kə̂ Jan dda makəturu tə̂ 6:71

Jeju pa tar nəənn ɔju dɔ Judas ngonn lə Simɔn Iskariyotə. Mba Judas â, a kunn dɔ Jeju. Ne kə̂ nee horo njê-kaw-kulaje tə̂ kə̂ dɔku gire joo le.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Kulaje 1:17

Ləw, Judas le ee horoje jee njê-kaw-kulaje tə̂ njaa ngaâ dinya dəbbə kula kə̂ jaw dda nəənn jia tə̂ tɔ.

Kulaje 13:10

pa arɛ̂ nan: «Əi, nje-ngəm kə nje-kula dəwje naan tə̂, ngonn lə Əsu, əi kə̂ ə-ndiki nɛ̂n kə̂ gatə gatə ang, ndɔ kə̂ dda bba â kunda ngangə turu nɛ̂nje kə̂ ndɔju kə̂ Əbbə-dəwje gɔl wa?

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.