Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tar kə̂ Maji kə̂ Jan dda makəturu tə̂ 6:63 - Dɔnɔn kə̂ Siki: Tar kə̂ aw arə təbbə

63 Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

အခန်းကိုကြည့်ပါ။ ကော်ပီ




Tar kə̂ Maji kə̂ Jan dda makəturu tə̂ 6:63
31 ပူးပေါင်းရင်းမြစ်များ  

Ddəw kâra baa tokə Bɔ aw ndol dəwje kə̂ oyje ngaâ arə disije kəm baa le, Ngonn aw dda arə dəw isi kəm baa tokə məɛ̂ ndiki tɔ.


Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.


«Awje kəy-polo Lubba tə̂ ta ə-paje tar təbbə nəənn tɔyn arəje dəwje.»


Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.


Tɔkɔrɔ, bbo əi Jiipi aw dda nɛ̂n kə̂ Ndu duju a, ganja kə̂ dujai to nɛ̂n kə̂ maji. A bbo dujai ganja bba ə-dda nɛ̂n kə̂ Ndu duju ang a, ə-to ddəw kâra baa kə dəw kə̂ dujɛ̂ ganja ang.


Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.


Yeenn bba, Makəturu lə Lubba pa nan: «Adam kə̂ to dəw kə̂ dɔngɔr le ddee to dəw kə̂ ee kə təbbə. A Adam kə̂ dɔ guku a to ndil kə̂ aw arə təbbə dəwje.»


Ndil-mə-nda dda arə jisije kəm baa. Yeenn a, maji karə jinya jarə Ndil-mə-nda le tɔjuje ddəw.


Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.


Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.


Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.


Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.


Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.


Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.


Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.


Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.


Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.


Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ