Tar kə̂ Maji kə̂ Jan dda makəturu tə̂ 5:37 - Dɔnɔn kə̂ Siki: Tar kə̂ aw arə təbbə

³⁷ Ngaâ, Bɔ kə̂ ulam le njaa pa tar-naji ləm. A ooje ndue ndɔ kâra ang ddəm ooje kəmɛ̂ ndɔ kâra ang ddəm.

Tar kə̂ Maji kə̂ Jan dda makəturu tə̂ 5:37 ပူးပေါင်းရင်းမြစ်များ

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Marke 1:11

Marə ndu bbar mə dara tə̂ nan: «Ə-to ngonnəm kə̂ m-ndikii nya. Əi â minga rɔ-nəəl mbai.»

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Luku 3:22

ngaâ Ndil-mə-nda unn da-rɔ tokə lə dər ddisi dɔɛ̂ tə̂. Marə ndu in darâ nan: «Ə-to Ngonn ndiki ləm! Rɔm nəələm nya mbai.»

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 14:9

Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa?

Tar kə̂ Maji kə̂ Jan dda makəturu tə̂ 15:24

Bbo m-dda nɛ̂nje kə̂ dəw dda ndɔ kâra ang horode tə̂ ang a, tar majang a to dɔde tə̂ ang. A bbasinɛn, dooje nɛ̂nje kə̂ m-dda, a n̂-mbətəmje ddəm n̂-mbətəje Bɔmje ddəm.

Tar kə̂ Maji kə̂ Jan dda makəturu tə̂ 5:32

A dəw kə̂ dang â aw pa tar-naji ləm. Ngaâ m-gərə to tar-naji ləm kə̂ naw pa le to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Tar kə̂ Maji kə̂ Jan dda makəturu tə̂ 8:18

Əman njaa maw pa tar-naji ləm ngaâ Bɔ kə̂ ulam aw pa tar-naji ləm tɔ.»

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

1 Timɔte 6:16

Lubba kə̂ nje-kisi kə ndɔ kə ndɔ, ne kə̂ nisi lo tə̂ kə̂ ndoko kə̂ dəw tee tə̂ ang. Dəw kâra ooe ang ddəm dəw kâra asə ta kooe ang ddəm. Maji karə piti kə singa-mɔngu toje to laa kə ndɔ kə ndɔ. Amɛnn.

1 Jan 4:12

Dəw oo Lubba ndɔ kâra ang. Bbo n-ndikije naan horoje tə̂ a, Lubba dda kə je mə-kâra ngaâ ndiki laa to məje tə̂ kə majɛ̂.

1 Jan 4:20

Bbo marə dəw pa nan: «M-ndiki Lubba», a n̂-mbətə ngokɔɛ̂n a, n̂-to nje-ngəm. Bbo dəw mbətə ngokɔɛ̂n kə̂ naw nooe a, nâ kasə ndiki Lubba kə̂ nooe ang tokə baann wa?

1 Jan 5:9

Bbo jaw jooje məje tə̂ kə tar-naji kə̂ dəwje aw paje a, tar-naji lə Lubba ngəng nya uta. Tar-naji lə Lubba le to tar-naji kə̂ n̂-pa dɔ Ngonnɛ̂ tə̂.