Tar kə̂ Maji kə̂ Jan dda makəturu tə̂ 21:22 - Dɔnɔn kə̂ Siki: Tar kə̂ aw arə təbbə

²² Jeju ilɛ̂ tə̂ nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa? Əi, unn gom.»

Tar kə̂ Maji kə̂ Jan dda makəturu tə̂ 21:22 ပူးပေါင်းရင်းမြစ်များ

Matiye 16:24

Yeenn bba, Jeju pa arə njê-njaje goe tə̂ nan: «Bbo dəw ndiki ta kuwa gom a, maji karə nəjə rɔɛ̂ ang, maji karə noto kakə-dəsə laa bba ta nuwa gom.

Matiye 24:27

Ngonn lə dəw a ddee tokə ndi kə̂ təəl kə̂ ndoko laa in kəm kar tə̂ ndərəng uru lo kə̂ kar aw andə tə̂.

Matiye 24:3

Jeju isi dɔ ddingiri Olibəje tə̂. A njê-njaje goe tə̂ ddeeje kə karəde baa dujeje nan: «Ndɔ kə̂ dda bba nɛ̂njeenn a toje wa? Ddi bba ja gərə nɛ̂n kar ddee ləi ddəm ddutu ndɔ le ddəm wa?»

Matiye 24:44

Mba yeenn bba, sese kara arje dɔ gɔlse tə̂, mba Ngonn lə dəw a ddee kə kar kə̂ aw əjəje to nâ ddee nɛ̂n le ang.»

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Matiye 8:22

Jeju ilɛ̂ tə̂ nan: «Unn gom ta inya yoje arə dubbuje yoje ləde.»

Marke 9:1

Jeju təl pa arəde bbay nan: «Tɔkɔrɔ njaa, m-pa marəse, marə dəwje horo dəwje tə̂ kə̂ arje nəənn a koyje ang ndərəng dâ kooje kɔn-mbay lə Lubba kə̂ a ddee kə singa-mɔngu.»

Tar kə̂ Maji kə̂ Jan dda makəturu tə̂ 21:19

Jeju pa tar nəənn le ta tɔju nɛ̂n gar yo kə̂ Piyɛr a koy kə̂ a karə piti Lubba. Goe tə̂ a, Jeju le pa arɛ̂ nan: «Unn gom.»

Tar kə̂ Maji kə̂ Jan dda makəturu tə̂ 21:21

Piyɛr le ooe a, duju Jeju nan: «Əbbə-dəwje, a ne, ddi bba a kingɛ̂ wa?»

1 Kɔrɛntinyɛje 11:26

Mba kə ndɔ tɔyn kə̂ aw usaje mapa nəənn ngaâ aw ayje nɛ̂n kə̂ mə əngo-narɛ tə̂ nəənn, nayn to aw ilaje mbər tar yo lə Əbbə-dəwje ndərəng ndɔ kə̂ nâ təl.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

Jakə 5:7

Ngakɔnʼmje, maji karə oreje wurse ndərəng ndɔ təl tə̂ lə Əbbə-dəwje. Ooje nje-ndɔɔ, naw nginan ta kinga nɛ̂n-ndɔɔ kə̂ maji. Nore wure ndərəng n̂-nginan nɛ̂n ndi kə̂ dɔngɔr kə ndi kə̂ to dɔbɔnyɛ̂.

Jakə 5:8

Sese kara, maji karə oreje wurse, uwaje arə ngəng mba ndɔ ddee lə Əbbə-dəwje nayn ngɔsi ngaa.

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 2:25

A maji karə uwaje arə ngəng ndərəng ndɔ kə̂ mâ ddee nɛ̂n.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 22:7

Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»

Apokalisi 3:11

Maw ddee bbasinɛn baa. Maji karə uwa nɛ̂n kə̂ ee nɛ̂n le arə ngəng nan karə marə dəw in taa əjɔkudɔ ləi jii tə̂.